عزا عزايا ***للشاعر عبدالسلام الحر الدرسي

من طرف المنجوه 2010-07-10, 6:17 pm

عزا عزايا
للشاعر عبدالسلام الحر الدرسي

عزا عزايا .. اتسكب على غالى قديم تهايا .. العين فيه ماقبلت

عزا من والى .. اتسكب وسيل دموعها شتوالى
تهايا غنى درات عليه ليالى .. معا نحيبها ناضن جروح برايا
على ديار غافرهن البوم خوالى .. كانن لها ملفا فى التتكايا
عليها خطر مقعدا اعزاز غوالى .. دليف سيلها خرم سدايد نايه

عزا عزوها .. على ماايجو من ناس مارضوها
لااصبرت لاتبعت اصحاب نهوها .. تسكب خفا يابال طالت غايه
غوالى بعد هاذول مااشغلوها .. لاعد ايجو فى حلم لاتمنايا
اتسمر منامى وينما اخطفوها .. تنوظ بالغطا تومى بعد تغفايه

عزا من عزوا .. لامن حظر لامن عزاهم دزوا
العين طالبه فزعت اصحاب ايفزوا .. معا سمورها تاخد الليل اشلايا
لايجاملوا لا ماالنحيب ايكزوا .. مشاركينها فى الحزن والتكدايه
امخوزقينها كانوا اعزاز ايعزوا .. عليها الاتموا بعيد غنايا
انكان اخطفونا نا وهى نهتزوا .. هزة جريد مع ارياح لوايا

ولاقبلاته .. العين العزا فى اللى مضن ياساته
و على ماجرا من هول مانسياته .. هى قبل للى يخادعوا نسايه
ثلاتين سية واربعين شماته .. فيها ومازالت بهم بكايه
اتموج مع فاهق غلا افقداته .. ماعد اطرى لوكان فى سهرايه
العقل ساق رحلانه وهى تبعاته .. ورا ناس مافيهم نشوق ادمايه

ولا ملزومه .. تقبل عزا بارد اوقا عااللومه
العين ناويه تعلن احداد حكومه .. عام وشهر مافيه توقف رايه
ولبس كيف جنحان الظليم احمومه .. وعام حزن لاضحكه ولا تسلايه
ولاحد ايجدد مالحباب اهدومه .. على فراقهم حتى تبان هوايه
وطار نين ينقصعن الليل انجومه .. زينك عزا فى ناصع القطايه

من طرف ابن الباديه 2010-07-10, 9:37 pm

ولا ملزومه .. تقبل عزا بارد اوقا عااللومه
العين ناويه تعلن احداد حكومه .. عام وشهر مافيه توقف رايه
ولبس كيف جنحان الظليم احمومه .. وعام حزن لاضحكه ولا تسلايه
ولاحد ايجدد مالحباب اهدومه .. على فراقهم حتى تبان هوايه
وطار نين ينقصعن الليل انجومه .. زينك عزا فى ناصع القطايه

نلقنه زينك عزا صحيح يا بوالحر...

من طرف **STAR** 2010-07-20, 9:49 am

ادعك يا غالى على ....ومزيد من التقدم يا بركة وفى انتظار القادم منك يا اطعمة

من طرف محمد صالح 2010-07-20, 10:04 am

تسلم خوي ربي يعطيك الصحه

من طرف بدية نهاية 2012-11-28, 2:32 am

يلي حررتوا بغداد .. بطرش ازناد .. وفكيتوها مــ الجلاد
أنريدوا جيش بكثر أعداد .. يجي من شرقه ... زاحف قيس 12 فرقة
وياخذ فــ العظمى ملهاد .. عجاجه يرقا .. مرسول لعشاق السرقة

يلي حررتوا المنهاس .. بقوة باس .. وحطمت قصور الرياس
تعال لشبهة بو غصاص .. اللي فــ الشرقة .. لابت تنزل لا بت ترقا

يلي حررتوا المنصور .. افزع بطيور .. ودبابات تقول نمور
نريدوا بو عيشة مزرور .. وشارق شرقه .. طالع رافع ديه بخرقه
الشاعر عبد السلام الحر

من طرف بوفطاحه 2012-11-29, 8:19 pm

صبرنا غصب كان الصبر دار *** وبقينا كل حاجة حاملين

حملنا الضيم فى شان الصغار *** احترنا مفيت مولانا يعين

مثيل الطير يعزم ع لمطار **** و وين يهم يحرن عل الحضين

زمانا شين ماخلى افكار **** مضيق البال ومسهر العين

زمانا فية ماخصن غرار *** زمان اتعاب هاس المومنين

اللى فى الوطن حازنة اسوار *** بقى مسجون كيف الهالكين

عليهم دال طليانى وجار *** من شرة شاب فى البطن الجنين

اعدام وحبس للناس الكبار *** اللة لا يدوم حكم الظالمين

قبالى اساع كاسيهم غيار *** ولحاهم بيض م الحال المهين

من طرف عبدالناصر الحر 2012-12-09, 6:26 pm

كلاام جميل وبارك الله فيك وهو الله يرحمه

من طرف يوسف الدعباك 2013-01-08, 10:14 pm

[img][/img]تسلم على الاختيــــــــار

من طرف يوسف الدعباك 2013-01-08, 10:15 pm

عبدالناصر الحر كتب:كلاام جميل وبارك الله فيك وهو الله يرحمه

من طرف فرج احميد 2013-02-03, 6:07 pm

كلام طيب تسلم

من طرف **جمال المروج** 2013-02-04, 1:28 am

مشكووووور

من طرف ابن الباديه 2013-02-21, 1:53 pm

ولاقبلاته .. العين العزا فى اللى مضن ياساته
و على ماجرا من هول مانسياته .. هى قبل للى يخادعوا نسايه
ثلاتين سية واربعين شماته .. فيها ومازالت بهم بكايه
اتموج مع فاهق غلا افقداته .. ماعد اطرى لوكان فى سهرايه
العقل ساق رحلانه وهى تبعاته .. ورا ناس مافيهم نشوق ادمايه
*********************************
الله يرحمك يا عبدالسلام الحر