رسائل وأشعار من النقال

من طرف **عبدالحفيظ عوض ربيع** 2010-07-14, 7:50 pm

حنون امعاي
ولا تغيب عني ولا تهون غلاي
خليك يالغالي حنون ووافي
وخليك ديما في حنانك صافي
وأنت النفس وأنت دواي الشافي
وإنت الغلا وإنت حدود امناي
وأنت اللي تعرف صحيح إريافي
وأنت اللي تفهم نسيم هواي

====================================
تخطر ديما
ليك في حنايا القلب قدر وقيمة
لو كان ما تخطر تكون ظليمة
====================================
ريدي وين خطر يا عيني
طار النوم وزاد حنيني
====================================
ماني ناسي
ننشد علي أحبابي وأغلي ناسي
نبعث سلام وشوق ماني ناسي
====================================
كلك روعة
عز الرفق وأصل الكرَم وفروعه
يا بو مكانه عالية مرفوعة
====================================
الله يسعد مساهم
هالنّاس ما أحلاهم
لو غابوا ما ننساهم
يذكرني فيهم غلاهم
====================================
أصبحك بالعسل
وإنت العسل كله
وأبخرك بالوشق
عاللي شافك وعالنبي ما صلي
اللهم صلي وسلم وبارك عليه
====================================
امشيلهم وطمني
قول للغوالي شيء وأكِد عني
غلاهم رفيق القلب قطعة مني
====================================
ما هزت الدنيا من الرأس شعرة
لكن كلامك هز كامل كياني
ولا حد قبلك خذي من الحب قطرة
بس أنت أخذت صافي حناني
يكفي من عيونك ولو بس نظرة
أعيش معك الحب في جو ثاني
====================================
اللي تجرحك يا زين ما نريدوها
وللي تريدها تفداك يا عن بوها
ما نقربها
ونحاول بجدِ الجهد نجنِّبها
كان غير حاجة حضرتك طالبها
حتى بقطع ارقابنا انجيبوها
واندقوا الصلابة لين تسترطبها
وترخص فداك الغالية نشروها
====================================
عليا ساهي
مش عادتك صرف النظر يا باهي
كيف طاوعك قلبك عليا ساهي
====================================
انعزك فوق العز هلبه هلبه
وعزي ليك لو نوصفه لحد يوقف قلبه
====================================
شيء اعجوبه
قدره وغلاه ورقته وأسلوبه
رفقت الصاحب الزين
شيء اعجوبه
====================================
كيف الرشة
تخبط الطير وتقتله في عشه
غلاك دخل في القلب كيف الرشة
====================================
ناس راكزة يا سعد من رافقهم
يصونوا غلاك ويشرفك مقعدهم
====================================
سلامي ميزة
علي ناس في نجع التريس ركيزة
انسلم عليكم وأني سلامي ميزة
====================================
بلا خوت ما نقدرها
الدنيا صعيبة كان جاك خبرها
بلا خوت ما لك هيبة
وبلا خوت ما تسوي تراب زريبة
بلا خوت ما لك والي
ولانك حبيب الناس ولانك غالي
يا خوي راني خوك ما تنساني
====================================
لو كان نبض القلب يوقف دقه
نبقي نسيتك يا عيوني حقه
====================================
صاحب الناس وقيس بعيونك
وكل حد قيسه بالميزان
تعرف اللي موحال يوم يهونك
وتعرف اللي نفسه خبيثة تبان
وتعرف اللي يفزع ويوقف دونك
وتعرف اللي زايف غلا وحنان
ما يغرك كلام ولا اتخيب ظنونك
مرات صاحبك يصاحبك بلسان
وارحل ودور يا صاحبي في كونك
ما تلقي غوالي كيفنا موحال
====================================
ابعاده داير جو قلق
تبي الحق
امخليني نمشي ما نحق
====================================
لو يبعثوا بدل الرسائل دم
نفتح وريدي ليك لين يتم
====================================
راني وافي
وين ما علي تبعد يزيد إريافي
معاك في الغلا يا زين راني وافي
====================================
خوذ العين وخوذ نظرها
لكن خليك امجاورها
====================================
درتك عزيز وغالي
ودرتك اللي في القلب شانك عالي
ودرتك ربيع اسنيني
ودرتك اللي بيه تزهي عيني
ودرتك الروح اللي ترافق روحي
ودرتك مسندي وذراعي
ودرتك نسوتي لأوجاعي
ودرتك مكان أسراري
ودرتك شريك أفكاري
ودرتك ودرتك ودرتك ...
وشن درتني يا غالي ؟
====================================
ميت موت علي شوفتهم
يحسابوا عقلي فايتهم
====================================
عالصامت حطيت جُروحي
كاثر نوحي
نشكي في همي لروحي
====================================
عندي غلا لو كان ليك اندزه
تنسي روحك واللي احداك تلزه
====================================
غلاكم في قلبي مصيون
عليا لا يرخص لا يهون
====================================
يا اعزاز دزولي دواء للشوق
لا قدرت نصبر ولا قدرت نروق
دزولي دواء هنوني
يللي عليكم حايسات عيوني
كنكم معايا ليش حيرتوني
ساعة منام الناس سهرتوني
====================================
يا طير طير وعدي
وين ما تجي شور الغوالي هدِي
عليهم مرايف لين واصل حدِي
====================================
غلاكم عندي كيف التايب
باص عيون ولعب عجايب
====================================
مشتاق فوق الشوق شوق زيادة
علي من يطَرِبْ خاطري بميعاده
====================================
واثق منه
يصون الغلا ما يوم يبعد عنه
إرباية عرب عقّال واثق منه
====================================
صوت وصوره
حتى وهو بعيد الدار مانا شوره
ايجي في منام الليل صوت وصوره
====================================
اللي بينا يبقي سنين طويلة
اللي بينا ودُ وفاء وإخلاص
اللي بينا ما ينتهي في ليلة
اللي بينا ما يغيروه الناس
ولو كان يديروا ألف حيلة وحيلة
ما يخششوا بيناتنا وسواس
أنت اللي في ضيقتي نشكيله
وأنت اللي محطوط فوق الرأس
====================================
احترت شو أرسلك
كل الكلام الحلو ما يكفيك
ما في أحلي من ربي يخليك
====================================
أخاف الدنيا تبعدنا
وبلمحة عين تجرحنا
وأخاف الناس تحسدنا
وتأخذ كل محبتنا
====================================
لو كان نشكي للبحر بأسراري
تنشف أمواجه من لهايب ناري
لو كان غير نشكيله
بهموم قلبي كلها نحكيله
تنشف أمواجه بين يوم وليله
ويصبح حمادة خالية وصحاري
====================================
حاولت ننسي ما لقيت عزايم
يا مصعب النسيان عاللي هايم
حاولت ننسي غرورك
ونبعد عليك ونتركك لبحورك
لكن حنيني شالني لبحورك
ولقيت نفسي في غريقك عايم
صعب نسيانك
وصعب علي حد يجي مكانك
====================================
معاكم كان ضاع الغلا رانا ضعنا
ومع غيركم كان ضاع ما يوجعنا
====================================
بيت غلاك خيوطه فضة
يصعب عاللي يريد يقضه
====================================
عيني مسحورة بغلاكم
تجفي لكن ما تنساكم
====================================

يسعد جوك
يلي بلاك العقل حال عدوك
الله لا يغيبك عالعين
يسعد جوك
====================================
عندي عين تموت عليكم
تخسر هالدنيا وتشريكم
====================================
يا نسمات الليل امشيله
الغالي في ودنه قوليله
في الدنيا ما لقيت مثيله
====================================
عيش الدنيا صح بجوك
واللي يفوتك ياخذ سوك
====================================
إن قدرتني نقدر علي تقديرك
ويبقي مكانك دوم فوق الرأس
وتبقي رفيقي ما ندور غيرك
ومو حال مع غيرك نجالس ناس
وإن بدلتني بينك وبين ضميرك
وما عاد نشقي بيك يوم خلاص
فكِّر وخوذ الوقت في تفكيرك
وعلي راحتك خمم وخوذ أنفاس
واستنتج قراراتك وخوذ مصيرك
ولو شريتني مانبدلك بالماس
====================================
عزيز وغالي علي الأنظار
وقدرك في الدنيا ما صار
====================================
جت صورتك بيني وبين كتابي
تاعب ونقرأ عالشهادة عابي
مانتكلم جايب كتابي نيتي نتعلم
إنتِ تشرحي وأني حداك مبلم
تلميذ في فصلك قليل غيابي
عيونك كي ليلة شتاء ومظلم
سماح وتوارن في هدوب مصابي
====================================
كانك القيت في هاتفك لي رنة
راهن أشواقي حطمن القياس
وكانك لقيت المسج زيد تهني
فيه الغلا مكتوب من الإحساس
====================================
درنا عليكم كبد حبيناكم
صعب نفهموا معني الحياة بلاكم