قصيدة السيارة // الشاعر سعيد سعد الرفادي

من طرف **الكابتن** 2009-04-28, 3:17 pm

لأول مرة علي المنتديات
قصيدة السيارة // الشاعر سعيد سعد الرفادي 744675

هذه قصيدة للشاعر سعيد سعد الرفادي قيلت عام 1990 علي سيارته (تويوتا 4 فنارات موديل 77 ) آنذاك ..
------------------------------------------------------
كاثره امزاواتك وباين عيبك ..... ونا زاد انفكر من احوال سريبك
عيبك كاثر .......وبيادك علي حد الملاحم ناثر.... من جيه العطا والمد موسي داثر
سريب البنا نسا علي تطبيبك
انظر وين نفزعلك جناحي قاصر ...يا وافيت لطباع كي ننويبك
كاثره امزاواتك وباين عيبك.... ونا زاد انفكر من احوال سريبك
امعاك انفكر.... وانتن رفقكن كي شراب السكر.... وما يوم في الرفق جوك معاي تعكر ..
ديما بفعل الزين كامل طيبك
لا حمو يرقا لا قناه تسكر...... اللي هندسك حافظ علي تركيبك
كاثره امزاواتك وباين عيبك ..... ونا زاد انفكر من احوال سريبك
م العيب فيك امواير... باهت خيالك وراه ذيلك طاير... ونا ظالمك عقلي عليه جاير ناخذ نهار الله ونا انهطيبك .... يوم حيط متحجر ويوم شكاير... ويوم اميه في الضنا نسقيبك
كاثره امزاواتك وباين عيبك ..... ونا زاد انفكر من احوال سريبك
عيب يا تيوتا.. كان صاحبك عند البطال تفوتا ... وانتي يوم جيتك خضره مثيل الحوته كيف الحمامة في الوطا نطويبك ...واليوم منشهبه وليقتك مبهوته... وكل يوم يكثر بالزيوت صبيبك .
ولك حق عليه .. اتريدي مال عديته اطناشر مية ...اتردي جديدة كيف يوم الجية ....زرقاء علي لون السماء بحرية لونك ايعجب وخاطري يزهابك
واليوم يا الركوبة ... ياللي تقضي في الخلا والجوبه ... كمين هود متمدد معا مصلوبه سربا علي روس العلاوي جابك
خليتيه يبرم ع الوطا مشروبة ...وياما قطعتي في الضباب الشابك
جابك امفوز دون م الخروبة... وعين الصلاة خذيتي علي منشابك ...خشيتي ابساط امعلمات ادروبة وضي التميمي للمواكر جابك
كاثره امزاواتك وباين عيبك ..... ونا زاد انفكر من احوال سريبك
انفكر معا موالك... وانتي بالعنا ديما اطوال احبالك... طبعك سخي ديمه امعانا سالك وراني علي شيل الثناء نحكيبك..
وحتي والنواقص فيك طيب فالك .... نطلب الله الكريم يردع ميلك
ولا فالرفق نلقا هناك مثيلك.... ولا يوم غيرتي نظاف حليبك
كاثره امزاواتك وباين عيبك ..... ونا زاد انفكر من احوال سريبك