حصريا سندريلا خيريه, برعاية تن الوفاء

السلام عليكم
سندريلا كانت فتاة جميلة جــداً تعيش في بيت مرت بوها مع اخواتها من بوها الثلاثة .



كانت سندريلا ويدلعوا فيها " خيرية " تقوم بقضية الحوش كلها

وكانت تغسل في امواعين الغدي كل يوم .

وتنظف الزريبة تحت السعي يومياً ..

وكانت مرت بوها تعاملها معاملة قذرة.

في يوم من الأيام سمعت خيرية إن فيه عزومة في حوش واحد معبي .

وسمعت إن أمه مدايرة العزومة باش توازي لولدها عروسة .

ماهو ولدها يخدم في الصحراء

مشي قالت خيرية في نفسها .

هيا هاذي فرصتك يا خيرية خير ما تقعدي عانس .

وجي يوم العزومة ..

خيرية كانت في دارها تحط في امية صفصفة علي شعرها باش يلمع .

وخشت مرت بوها قاتلها :

تي وين توتي في روحك انتي ؟؟!! والحوش منو بيه

ردت خيرية بالتكشيخ كعادتها

تي أهي فتحية تو تضم الحوش شن قاعدلتك خدامة أني ؟

-فتحيةماشية معاي والله ماك ماشيتيها .

قعدت خيرية في دراها تبكي تبكي ,, يخي ناضت تندب وتقول آمتى بنطلع منه هالحوش الأحرف .

مشوا هما للعزومة وخيرية قعدت تراجي في الساحرة

مشي دورة تشبح مع الروشن خشت الساحرة

خير يا خالتي رجعة

خير خير يا خيرية خيرك قاعدة اهني

نراجي فيك آمتى تجيبيلي سيارة وحوايج جدد باش نمشي للعزومة

تي بري بري والله ما فاضيتلك حتى أني بنمشي للعزومة قالو مدايرين رشدة كسكاس

ومشت الساحرة وخلت خيرية حزينة

مشي خيرية ضربت في دماغها فكرة

شدت هاذاكا البيلا وضربت رقم مسعود اللي يبي عروسة

- آلو

أيواه ( مدايرة روحها دلع وياي )

- منو معاي

- معقولة ما عرفتنيش يا مسعود أني سندريلا..

- أوووووووه خيرية شن حالك يا مشفشفة .

- توا معقولة بتتزوج وتفوتني يا مسعود وأني حب الطفولة .

- انتي شن موبايلك ؟

- آه ,,, أني موبايلي بييلا

- معليشي أني اللي بناخدها طايح منها آي فون وهيا اللي بناخدها .

- طيح سعدك وسعدها

- تي امشي وانتي خشمك زي الشبشابة

- طوووووووووووووووووط

وظلت خيرية في منزل مرت بوها لحد ما خطبها ولد شارعهم خيري العايب , وعاشوا في ثبات ونبات

مشكووووووووووووووووووووووووووووووور

لك كل الشكر للمرور المميز وال موفقين..