قصيدة للشاعر باسط الزوى...ورد من الشاعر رجب الشيخى و نعيم ال

قصيدة للشاعر باسط الزوى...ورد من الشاعر رجب الشيخى و نعيم الزوى وابوريان والممهور

يقول الشاعر باسط الزوى

غلاك صاغنى يابنت صيغة صايغ
بيـــده نقشنـى دار بى صــوايغ

صاغنى او نقشنى
ابدقة حروف اسمك على خربشنى
بلا رادتـى فــى جـرتك دودشنى
ساير معاك او مـا قـدرت انزايغ
غـلاك يالسمحه صاغنى زركشنى
صيغـة دناجــر شاطـرين نبايغ
اللى ف الجـواهر صيتهم روشنى
لا كيفهم فى (صور) لا ف (الرايغ)

رد الشاعر رجب الشيخى

مو بعجاله
غـرامـك تمكـن فى شــد احبـاله
صـايغ وبيـده صـاغنـى ابمهـاله
مـركز بعينـه لا سهـى لا زايـغ
لو الصمت جا كيف الذهب معداله
كلامـك المـاس ومن كـلام بلايغ
مبهـور بيه مـاهــوكـلام فسـاله
كيف العسل فى الريق طعمه سـايغ

رد الشاعر محمد الممهور

صاغنى من جوى
صيغة سطـا لا بالعجـل لا قـوه
ماتقـول كنت من الغرام مكـوى
لا صدت من هوشه نصيب لدايغ
سليم ردنـى والشكـل هو هو
بشيبى اللى مـا خضبـوه صبايغ
بحنـك ملكتيـه ادمــى يا حـوه
على درب صوبك سار ماهو رايغ
يعاف العسل مـن يد غيرك توا
والمـر من يدك مـراره سـايغ

رد الشاعر عبدالله القراب

بكل مهـاره
صياغة ذهب مضمـون نوع اعياره
دوبنــى تلمــس معـاى فيا ناره
شفيت من مرض كاين معايا دايغ
سلمــت امـرى مانقـول معـاره
مانجض ضايقهـن سمـوم لدايغ

رد الشاعر نعيم الزوى

نقشنى ودك
نقشـه جميله مـا قـدرت انـردك
تميـت لعبـه سـايبه فــى يــدك
بيا لعبتـى كيف (( جيم )) الغايغ
وتميت مـرزى فى مناجــم خـدك
ومبهور هايم ف الجمـال السـايغ
وحسيت وين القيت قسمى عندك
كاسب جميع سهوم (بترو رايغ)

تحيأإتي..

شكرا على هذا الطرح الرائع

مشكور على مرورك العطر

مشكورة على مرورك العطر

شكراً للمجهوداتك ولهذا الطرح الاكثر من رائع

اشكرك على هذا التميز

مشكورين على المتابعة والاطلاع

مشكورة على مرورك المتميز