الليل بطوله مابتن

الليل بطوله مابتن




الليل بطوله مابتن ... عليهن جن مواقي الانضار يقجن

سالن سيل اتقول نزيل ... ليالي ورعود تزلزيل

شكيع بروقه بتشوكيل .... سيوله غطن الوطن اللي ميت حاين

ونا من قلي بارد حيل ... لا بذرن ولا عام الصابا حرثن

ابكا ماعندي فيه جميل ... مسامحهن كان اللي غايب جابن

غير ادموع ان قلت بروع ... اتقول انشد خيري مليوع

اللي لا غف وينصب نوع ... ويزابن ادموعي عالخد يفيضن

هذاك حق اللي مفجوع ... نهار دفن جنينه بيديه مكفن

سواء كي حالي في الموضوع ... ايام طون احسابي واحسابه ساون

علي اللي صار وهن سمار ... مع فاهق واوهام الدار

ايجن قدامي ريت صدار ... انكان غفن ينوضن بغطاهن يومن

وعفوك ياعالم الاسرار ... ونا رازن وراضي بأحكامك مؤمن

اتنسينا شوفه المضمار ... اللي لطن اقسامه والحظ معاون

نسيني حول خطاء مثبوت ... وهو كيف خلافات الخوت

ابعهده في صما منحوت ... بعد قشعن مكانته ورن

دلائل لقين شالن صوت ... علي من حن وهو بحنه مراره ساقيهن

وناخد فيه اسمور ونسكب عالغياب .. علي وين خطور سهاريه ايجي دمع عيوني سكاب

ايجيك ياوداي قلبن فيه ... شعاب ملن العالي بالواطي ساون

اسباب دايا غير مواريه ... ايجي منهن عيونه بخزرات يعوقن

اقدم عهده ونجدد فيه ... وعاطيهن سموحي بالدمع يكفن

نكمل عمري نبكي بيه ... فداء ليهن ونكمي لين الله ايحن

ونا واخد علي الهم وبيه ... عايشهن ايام طفولة متقزن

ونا ليلي مانرقد فيه ... وكيف يبن النوم وغالي فارقهن

نلجي كيف اللي رازيه مرض ماكن ... افادي والجوجي ساحن

طلبتك يامولاي نبيه عليا ايحن ... الموكر يحلى لي ولهن

دون الناس الخاطر حاس عليه خطر ناير الالباس

مغير ايهاتي بها وخلاص ... خطاه مشن نصيب وعالفارغ ردن

الليل بطوله مارمن ... وزادن لا طابن للنوم

خطر صوب قديم اصرم ... اللي مخلا فيا اعزوم

احلامي واحلامه حطم ... بزلزاله خلاهن كوم

افادي والجوجي قسم ... بطعنه والخنجر مسموم

طعني ونا ليه نسلم ... سقطت ونا في دماي انعوم

انريد نسيته جرح اقدم ... اخطوره ماعد ليه الزوم

يابن موسى لوتعلم ... بقولك حاييت المردوم

الجرح اللي قرب ينظم ... نقضته كيف اندير اليوم

انده جدك قذاف الدم ... مع اجدودي الفرجان اعموم

اني ننسى عين الخارم ... اللي حارم عيني من النوم

اللي ساقيني كاس السم ... اللي ساكن ذاكرتي دوم

ان شاء الله تبراء ننساهن ... جروح مضن كواين معادي يعودن

ويهجرني ياسه ونروق ... وننشلهن غصايص في قلبي عاشن




الليل بطوله مابتن ... عليهن جن مواقي الانضار يقجن

شكرا عالمرور الرائع

تسلمي جانار

روعه والله روعه

مشكوره اختي

شكراً لما قدمتى رائعة دائماً