عندى قلب ما نرقد معاه

عندى قلب ما نرقد معاه .. فيه ادعوة عاصي ع الطبيب
طول الليل يثغى يا الله .. ألطف بيه سلتك بالحبيب
يجض بداه وانظر ويش داه .. جيب شفاه ياعالم الغيب
عوى فى الجوف شاغلنى عواه .. يعوى تقول ساكن فيه ذيب
داير وكر ساكناته اجراه .. دراه الكبد عنهن مايغيب
وسط القلب حافر فى ثراه .. وكم شريان ساكن فى العطيب
دراه الكبد ماو ساهل جلاه .. وإن صار انزاع ملكه له يطيب
ونعيش بقلب ندفع فى كراه .. لى مغير مني اوخذ غصيب
قلب يجض من ضيق الوعاه .. حاجه نين صبحه ماو قريب
وإن هويت ماتجيبه اهواه .. عايش عمر قزون وغريب
وداى امرضه كتفهن وراه .. مغير صبور راضى بالنصيب
وخاطى امرضه مامن عيب جاه .. من اللى معاه راضعين الحليب
ومامن عيب من عزوة ضناه .. مغير لقيه جبد العيب عيب
وعاش القلب يطمر فى أجواه .. نين الطمر ركب فيه شيب