تعال جاي صوت بازين والا مثروده!!

خيــــــــــــــــرات ونهاركم سعيد!!
حبيت نلتمو نحن وجميــــــــــــــع الأعضاء بما فيهم المشرفين يا اما علي مثروده والا بازيــــــــــــــــــــن؟؟؟؟؟؟
لاكن تعال جاي انت وهي!!
مافي شي بالبلاش انا قلت بنلمكم بس ماقلت بندفع حق العزومه..
ونصيـــــــــــــحه للكل !!
شوف امكانياتك مثلا..
لو اللي جايا بتصوت بنت وتبي بازين او مثروده معناها ياماما حركي ايدياتك و وتي روحك راهو الكميه كبيره واللي بياكلو واجدين يا اما طهي يا اما غسل لمواعينات..
اما لو اللي جاي بيصوت شاب معناها حرك ايدياتك عند جيوبك وكرعيك عند المحل وقبل لا تبدا تشري شوف اقريشاتك علي قول العرب <علي قصااااد الحافك مد كرعيك>..
وشوف لو بتصوت بازين معناها يابابا توكل على الله وجيب يا 10 كيلو بطاطا يا اما 15كيلو طماطم..
او حوالي 12كيس دقيق شعير يا اما سقيطه او مش عارف قدر وشوف كم لحمه للعائله بالكامل و وطني فكنا من لحم البقر والدجاج او 4 صناديق قازوزه حكاكي مش اشيش فكونا مالشاني وسعاده بيبسي والا تفاح تبي بازين تستاهل!!!!!
وان تبي مثروده يبقى يا غالي جيب اشوال دقيق والا 10 صناديق تمر او 20 قالب زبده و5 حليب حكيه او 2 قلوني لبن امتاع 20 ليترا هذي مثرودة بوادي فكنا الله منها المثروده المطوره امتاع المكسرات والعسل فكنا الله منها!!
وهيا صوتو وشن بتجيب مافي تصويت بدون جيب الله الله ماحد يغيب!!!!!!!!!!!!!
****************************************************************
منقوووووووووووووووووول

مشكووووووووووووووور على كل شئ

فكنا الله منها المثروده المطوره امتاع المكسرات والعسل فكنا الله منها!!

والله انك صدقتى المثروده امتاع اللمات كرهتنا فى حاجه اسمها مثروده
كيف اتجيك اكرمك الله اتقول حاطين قدامك اكناسه تلقا مو غايب عليها اولا بصيره شى دحى مطبوخ شى حلوه طحينيه شى زبيب مانحكيلك عليها بلكل حاجه تقرف
على اثر الخبزه اللى كانت فى الثلاجه الها جى كم اسبوع من قبل ماتجيب الوليه بسبوعين وهى ترجا فى التلاجه
عن نفسى ماناكل فيها اولا انجى شورها
كيف نبقا انريدها نمشى انجيب خبزة تنور والحطام الاصلى امتاعها ونديرها فى الحوش وبعدين الصبايا كيسن امشيطات النار اللى اتجيهن يدهكنها .الغريب يدهكن فيها فى دهك ايحشم.....
مشكوره

بوفرقه كتب:

فكنا الله منها المثروده المطوره امتاع المكسرات والعسل فكنا الله منها!!

والله انك صدقتى المثروده امتاع اللمات كرهتنا فى حاجه اسمها مثروده
كيف اتجيك اكرمك الله اتقول حاطين قدامك اكناسه تلقا مو غايب عليها اولا بصيره شى دحى مطبوخ شى حلوه طحينيه شى زبيب مانحكيلك عليها بلكل حاجه تقرف
على اثر الخبزه اللى كانت فى الثلاجه الها جى كم اسبوع من قبل ماتجيب الوليه بسبوعين وهى ترجا فى التلاجه
عن نفسى ماناكل فيها اولا انجى شورها
كيف نبقا انريدها نمشى انجيب خبزة تنور والحطام الاصلى امتاعها ونديرها فى الحوش وبعدين الصبايا كيسن امشيطات النار اللى اتجيهن يدهكنها .الغريب يدهكن فيها فى دهك ايحشم.....
مشكوره

خلاص جيبها وانديرلك مفرودة ابوادي على كيفك
**************
بس ما في حد منكم طلع وجاب معاه شئ حاجة نهاية شهر شكلها
مشكورين على المرور الراااائع جداااااااا وسلمتوه جميعا.......

مرحبتين بلوتيسيا الحلوة وافكارها العسل

فكرتك عجبتني

مع اني ماناكلش فيهن الاثنين لابازين ولا مثرودة

لكن انا عليا انسويلكم البازين والعزومة كلها على حسابي ومن صنع ايديا

انتم بس عليكم اتجوني وادللوا ياغاليين

ها يالوتيسيا

بنريحك من التطبيخ ومن التعصيد ومن غسل الموعينات

نبيك اتجي تاكلي وتنوريني بحضورك ياغالية انتي وباقي الاعضاء

خلاص يا غالية معناها شورك انا جاية بس ديري لبوفرقة المفرودة الي يبيها مش عجبته الطريقة الجديدة وانا جايين ليك يا غالية وكلك ذووووق