يابدر ناظرني وناظر ريدي

يا بدر ناظرني وناظر ريدي ..
جديد جيبلي منه وشيل جديدي



يا بدر شيل سلامي ..
واحكيله على ظرفي عيون الدامي
وقوله تخمم راقات عزامي ..
ولريد له الجوله غير ماهي فيدي
حتى وين نرسمها ايجن قدامي ..
عدة عوامل بالات وفيدي
المهم لخصله عكاس أيامي ..
وقوله على معاودين عبيدي

http://www.al-wed.com/pic-vb/135.gif

يابدر وين تشوفه ..
سلم لي عليه عليه وشوف كيف ظروفه
راهي عليه اكبيتي ملهوفه ..
ومازال في قربه مثيل وريدي
حتى لو تباعدنا جميل الطوفه ..
مازال هو همي وبيت قصيدي

http://www.al-wed.com/pic-vb/135.gif

يا بدر تنظر فيه ..
وعندك اطلاله كل يوم عليه
سولتك برب الكون لا تخفيه ..
حالي عليه بلاه وتمر ميدي
ومسامح عزيز انكان مو داريه ..
ولو طايله منا خبر تنكيدي
وانكان يندري والوضع ما يعنيه ..
يا عزتي بالصادقه وغريدي
http://www.al-wed.com/pic-vb/135.gif

يا بدر ضيك ضاوي ..
على وعلي خزرة عيون الناوي
ازعمه كيف ما دمعي عليه سقاوي ..
هو زاد يبكيبي وشايل كبدي
وامرايف علي وفي رجا المهاوي ..
والا اتسي مدعاي ومواعيدي
واموثق مع غيري عزيز رساوي ..
ونا يا قمر تما اصفار رصيدي

http://www.al-wed.com/pic-vb/135.gif
يا بدر جيب اخباره ..
وشيله اخباري م الرياف وناره
لها زمان ما جتني عليه ابشاره ..
ولا عد جواب القيت فيه باريدي
ازعمه هالي ناسي غلا بقداره ..
وناسي ايام العز وتمعيدي
والا اسمر كيف جار الجاره ..
بكايا عليه الشين و تودويدي

بارك الله فيك على المشاركه

مشكور على هذة المشاركة الجد قيمة