( قديم سريبه ) أدريس الشيخي

السلام عليكم ورحمة ألله وبركاته .

وأهلاً وسهلاً ومرحباً بكم من جديد ..


من بين أبداعات الشاعر القدير والكبير والعملاق

الحاج أدريس الشيخي ..

مدّ الله فى عمره .. ومسّاه بالخير والعافية

أخترت لكم هذه الأبيات التى تقول :


قديم سريبه..ذارفات يحسابن الدمع إيجيبه


عليهن خطَر غالي .

***

غالي أيام شبابهن..بلاه يحملَن لنظار مانحسابهن


لاَعند توّا ماأبرد منشابهن..م الصغر نين الراس صفـّى شيبه


وبن ماخطر يبقى رقيق أترابهن..وغيم المواقي يعمرن شابيبه


ويبقى يفيّض ع الخدود شرابهن..شلاّل نوّهن قاطب قوي تزعيبه

***

غالي عزيز عليهن..أيام صغرهن هاضاك فى ماضيهن


وين ماتهايا ينفلت ماقيهن..حسّيت فالبكاء ماعد إيديرن غيبه


ويبقن أمغير يصفّقن فى ديهن..حسايف على مول العيون رغيبه


اللي له جدايل لاورا سافيهن..أمزان نزّلن فوق من وطاه جديبه

***

ذارفات سماره..سببهن أعيون اللي غريم أحباره


اللي وين جلّوله السريح مطاره..جناحه إيركّب فى المحاس الريبه


سواء أتفكّ والاّ عالوطا تجّاره..طاير ونازل مي عليه صعيبه


حصاوي على اوّل بيت في تيّاره..وسيده أشقِـي بلحيل فى تبقيبه


وتحته أكروزر نوعها مختاره..وكي إيلومها تلتام موش عطيبه


وكمّين صلب ف الخالي خذا دوّاره..وصوقر عشاه مع عشا صاحيبه


والبير بوجلادي بوش بودوقاره..ديما أمباته فى نظاف شطيبه


وأتقول وين سكّرله إيجي فى أصدراه..أركان حرب ياما أمصرقعين كتيبه


خطّرها الاّ مدعىَ كحيل أنظاره..علينا أحجر ياعين لا تشقيبه

مشكور على هذة المشاركة الجد قيمة