غاليت لكن مالقيت غوالى

مكانك والي ... غاليتـ لكن ما لقيتــ غوالي ..

كيفك إيجي ما إيجي .. مكانك والي

مإيجي مكانك حــد .. لاكيفـ ودك ع الخواطر بد ..

نرحل مع غيرك عليك انرد

نلقا زهاي فيك دلالي

ايسير الغلا ما بين يد و يد

ويسير الجفا وان القلوبـ خوالي

وانتي غلاك بود فايض ود

وانتي الحقيقة في أوهام خيالي

وكوني اغليتـ كوني أنعد أنعد

وكوني مع هدبك رحل ترحالي

وكوني نريد غلاك جد بجد

أنتي الوحيدة الباقية في بالي

وانتي اللي أفراقك العمر إيهــد

وأنتي الي فراقك فوق أحتمالي

مكانك والي .. غاليتـ لكن مالقيتـ غوالي

كيفك إيجي ما إيجي .. مكانك والي


من هو ايحل مكانك

ومن هو اللي يقسم على زمانك

ومن هو اللي يقدر يذوبـ حنانك

ويضوي شموعي ومعبدي وتمثالي

ومن هو اللي يغّيبـ على عنوانك

ومن هو اللي يفرض عليك اتّسالي

اللي بيّنا عندك زها لأحزانك

وعندي إجابة شافية لسؤالي

ايرايفــ عطشنا تحضري بامزانك

تروي قصايد شوق في موالي

انتي اللي عشقك روا وجدانك

وانتي حروفـ الصوبـ نا ديوانك

انتي اللي دروبك زهتـ لأرحالي

وانتي اللي لولاكـ ما راق حالي

مكانك والي .. غاليتـ لكن ما لقيتـ غوالي

كيفك إيجي ما إيجي .. مكانك والي

انتي اللي لولاك

ولولا وجودي في زمان غلاك

ولولا دروبك والرحيل امعاك

لا راق قولي فيك لا استرسالي

انتي طلبتي و استجابـ دعاك

وانا دعيت الله لي هدالي

قربك وجودك حاثاتـ اخطاك

ساعة اتلاقيني اتجي تختالي

انتي اللي مالقيتـ من يسواك

انتي اللي ما اغليش كيفك غالي

انتي اللي كلمات بوح هواك

تسري مع حفظي وفي ارتجالي

وانتي اللي نحيا على ذكراك

وان جيتك اتوديّ وتحسني استقبالي

انتي اللي في نيتي

انتي اللي ردع الحياة أبقيتي

انتي اللي صوتك دعاك لصيتي

وفيك تعرفي غضبي وانفعالي

وفيك ريت العمر وانتي ريتي

عيونك سماي وحاجباك أهلالي

أحكايـة غلانا للزمان حكيتي

أحييتي مشاهد فرح في احتفالي

انتي اللي شلتي غلاك وجيتي

انتي الونس في عمر قبلك خالي

انتي اللي من يوم ما طليتي

قصرن وكانتـ طايلاتـ ليالي

وانتي اللي واجد على اغليتي

يا آخر محطاتي بعد تجوالي ..

مكانك والي .. غاليت لكن ما لقيت غوالي

كيفك إيجي ما إيجي .. مكانك والي

للشاعر فرج بلحمد !

مشكور على ما طرحت بارك الله فيك