للشاعر بوعياد الشهيبى كلام الحق

كلام الحق عيبة ينختل .. وانقلت الحق ما ياطاك زور
وكل انسان من عيبه ينخجل .. ولإصله عيب يصبح نكور
وقولت حت جابوها مثل .. اتلم اطراف هامات البرور
وقولت زع لسماح الهلل .. القافزه اتسوق والباركه اتثور
امغير العيب لا جور عزل .. اتريد اتبد تقشع كم فور
ولصبر احدود لا فاتن كمل .. يابال احذاك حماشت اقدور
وجميل الصبر ما عمره قتل .. خل بس يا سامع صبور
اساع نوريك مخاطر علل .. بضرب امثال توضيحة امور
شايل غيض من ساعة زعل .. دايخ كيف شراب الخمور
ابسيه اجحودها ما ينحمل .. جت من عرق من صلب الجذور
نقشت كيف نقشات الجهل .. فيه العقل خلاته سمور
يردها كيف يزمطها اتعل .. ابلقمه غص ماجاها حدور
يا ريت العقل هجرهم بتل .. انسي ذكراه حازنه ابحور
خوف الجبح يجفى مالعسل .. وخوف عليه سلابه ايجور
وخوف اصداف شي ساعة زعل .. وخوف الفص يزرق مالقشور
اتعجل خير تقسيمها سبل .. وهو مازال في الغمد البذور
اضني خير واشوى لك عكل .. اضني خير واحسن رد شور
قبل يكون فتالك فتل .. اضني خير من ضيق الكتور
واربط بيش تلقى ما تحل .. ونايي قبل ما نوك ايجور
بدار البعد قلبك ينغسل .. ايحيد الخبث ويصبح طهور

ابيات في قمة الروعه والجمال
وتقبل مروري واحترامي

واربط بيش تلقى ما تحل .. ونايي قبل ما نوك ايجور
مشكور اخى حمدى عريف ابيات فى منتهى الجمال

مشكورين على المرور الكريم

المبدع في انتقاء الهمسات الشعبية

حمـــــــدي عريف

أحسنت

ولصبر احدود لا فاتن كمل .. يابال احذاك حماشت اقدور
رائع .. المبدع صالح بوعياد .. مى لمزينى

مشكور على ما طرحت بارك الله فيك