اسلامي ليبي يطالب اللجنة التنفيذية بالاستقالة

دعا قائد عسكري اسلامي ليبي ساعد في الدفاع عن بنغازي ضد قوات معمر القذافي الحكومة الانتقالية الى الاستقالة قائلا انها من بقايا النظام القديم.

اولا : لو رفضنا كل من كان في عهد القذافي فلا يسلم من هذا الشرط احدا حتى قائل هذه الموضوع .
ثانيا: اطلاق التهم بدون دليل يجب ألا ينظر إليه بل ينظر في تاريخ قائله ربما يكون بقصد الإفساد علينا ثورتنا .
ثالثا : إذا كانت شهادة صاحبنا أنه دافع عن بنغازي فهل دافع عنها شخص واح فقط وهل هذا العمل يخوله السلطة المطلقة علي ليبيا ؟

إخوتي حكموا عقولكم وضعوا استقرار البلاد هو المصلحة المرجوة والملحة الان ولا داعي للمزايدات .. واعلموا ان هناك أشخاص يندر مثيلهم في الوقت الحاضر وقاموا باعمال كان لها كبير الأثر في نجاح ثورتنا فلا تظلموهم .....

زي ما قال خوي ولد الجبل حتي قائل الموضوع من بقايا النضام وبعدين هذا الكلام مازال ماجا وقتا لما اتحرار ليبيا بلكامل ونديرو انتخبات هناك وين ايبان

ماخللى لي مانقول ولد الجبل
لاداعي للمزايدات
بنغازي يس دافع عليها {ياما دار}
في ناس قاعدين فالجبهات من بداية الثوره ولم يرجعوا لأهلهم
ولم نسمع منهم مزايده أو منه فهي ليبيا
هضا من المتسلقين وسراق الأضواء
أيتريح ويريح روحه يمشي للجبهه ولله يقعد عند هله
ويفكونا من نشر سمومهم والفتن فالآن ليس وقت كلام ولامزايده
على الأقل يجب ان نحترم دماء الشهداء الذين سقطوا في هذه الثوره

ياما اتريدو تسمعو
المهم انه بأذن الله خلاص معش في حد او فئة او جماعة تقدر تحكم وتقرر في ليبيا

الحكم لله اولا والشعب ثانيا
تعليق بسيط وهوا كلمة اسلامي
كلنا مسلمين لا اله الا الله
المهم معش اتعبو اعقولكم في التفكير والخوف كل شئ مسخر من الله سبحانة وتعالي وبأذن الله البلاد في خير بفضل الله والشباب الليبي الواعي

شكرا للمتابعة