صديقك يتخلّى عنك .. ماذا تفعل ؟

السلام عليكم ورحمة الله وبركاته ..

تخيل لو صديق عمرك الروح بالروح اعتبرته حياتك وصديق دربك ويوم من الأيام تغير من ناحيتك وبدون سبب طنشك وباعك عشان تعرف على صديق ثاني ونساك
ايش تسوي بهذي الحاله؟ تواجهه والا تبيعه وتنساه مثل ماباعك ونساك؟ والا تكتب له رساله وإذا كتبت له رساله ماتخاف مايرد عليك ويتفهك؟ شنو الحل.. طيب إذا آنا فته وبعته! قلبي مايطاوعني لازم اواجهه وإذا تركته وفته مثل مافاتني يمكن ما رايح يجيك يوم من الأيام
طيب لو حاولت انساه ونسيته وإذا رجعلي متأخر وقال آنا آسف اني غميت علي كان عندي ضروف!! اعطيه فرصه واسامحه والاا اقوله خلاص نسيتك وبعتك مثل مابعتني بدون سبب..؟؟ ها ايش دير اوايش ديري في لحاله إذا رفيقك دربك فاتك وباعك؟وإذا ندم ورجعلك بكل جرأه تسامحه وترجعله؟

انتظر ردودكم علي هذه المشكله

لا ادرى

مشكورالامبراطور على الموضوع

احمد منور
عين التميمي تشكر وانا كان بودي تعلق علي هذا الموضوع

موضوع حساس جدا بس لما صديقك ايبيعك وانت موش داير شئ واجه وشوف نتيجة المواجهه اذا كان فيه عزاء اوكي نتفاهم معاه اما اذا كان بايع بيعه ومفيش خير من خوك صديقك .

تختلف وجهات النظر في مثل هذي المور
وخذ هالقاعده
إذا اردت شيء بشده فأطلق سراحه فإن عاد إليك فهو ملك لك وإن لم يعد فهو لم يكن لك من البدايه

مشكور يا اللامبراطور على الموضوع

مريم الشريف مشكوره علي طلتك علينا في مواضيعي
بنت المنطقه صدقتي في القاعده مشكوره والله

انا اسف يامحمد عبدالجليل
اعذرني
لكن انت بالنسبه لي طعمة المنتدي واكيد ردودك يهمني
اعذرني ياحمادي فقد ساهي عليك
مشكور علي انك نبهتني

ياعبدالله اللي يبيعك بيعه وتذكر ان ربي يوم ماخلقه خلق مليون غيره
وديما خليك اكبر منه

بس قبل هذا كله تاكد ان فعلا مافيش سبب بس لو في سبب شوف هل انت غلطان ولا لا ولو غلطان تنازل واعتذر له ولو مش غلطان خليه هو يعتذرلك او سامحه بدون مايعتذرلك انت حر بس لو مافيش سبب يعني باعك هكي وخلاص دير اللي قتلك عليه من الاول

تصريحك جميل يابوصالح مشكور علي
واحسن شئ جبتها من الاخر

انعنه مـــــــــــــــــــــــــــــــــــــــــــــــــــا يرد

راي تعطيه فرصه وان باعك وغم عليك لفتره طويله حتي انت فوته هذا مجرد راي

النشده عل صاحب الهم تشيله وتخفف عليه انكان هو فى شده
خلى كلام الناس ماتسغيله شيال العلل بالسو بابه سده
راهو الرفق انكان الطريق طويله كيده على واحد ايجى لابدا....
مشكور على الموضوع

تشكر علي طلتك يابوفرقه

بصراحه انا ما انشجعك علي انك اتفوته حتا لو هو فاتك وبالنسبه للراي الشخصي حتا لو فاتني وباعني نا معاه مش هو كان رفيق وصديق ومهما صار بينا نا نسال عليه وندوره ونجيه ومن اي مكان ونحترمه ونسال علي اخباره من بعيد ومهما ايكون هو غالي ومستحيل اندير كيفه و لما راح ايجني ومش راح نسامحه حا انقواله اصلا نا مش زعلانه منك ومن الاساس عشا ن انسامحك ونقواله متطلبش مني المسامحه انتا زاي ما انت بالنسبالي ونرحب بيه ولا كنه حاجه صارت بينا تقبل مروري وشكرا

الي ايبيعك باالغالي بيعه باالرخيص

انرد علية عادي بس مش زي قبل اكيد البيعة مش حاجة ساهلة

الملكه مشكوره علي لمرور
منور يامني ياغاليه
تشكري ياجلنار علي الصراحه

انعنه مـــــــا يرد اذا كان من غير سبب
الي اخلقه خلق غيره

ههههه تصريح جيد يابوبكر مشكور علي الطله

قال الشاعر بوعجيلة عبدالسلام
الصاحب اللي ماتجدا فالشدة قولة أشحالك من بعيد أتسده
الصاحب اللي ماتاجدا فالعازة واللي بنشدة عنك بكيف مزازه
ان جاءك أحسبا هدراز مالهدرازة وأن غاب ماتحسب عليه المدة

اشكرك ياادريس علي تنوير صفحتي