غناوي علم ع(الغلا)(البير)(التاقزه)(الدنيا)

تذكير بمساهمة فاتح الموضوع :

خانك ودار العيب عزيز الي ابراسه تحلفي

عزيز قبل مالي الدار خلاها خلا يانويرتي

لو كان لخطاهم لقيت عزم العين ماراها بكت

مازال واجعك ياعين فرقاهم الي ماله سبب

ماايموت نين انموت سطار جرح داروه القدم

ملي داروها في الخاطر ديما ياعقلي تساطر

زمان يالعقل اسلاف حملو بلاك كافيهم ابها

اظلمت فيك نين اتعبت شينك زمان ماصاحب لحد

اتصدق ماانصدق في شئ عزيز بعد هجرانه لي

ظلموني اعزاز بكيت واندمت في امغالاتي الهم

انخاف يا عزيز الظلم يردي عليك واتقول ضرني

كنيب في عزيز انعشم يرخوه الي رخاني لجلهم

الي مامتنا يوم خطاك انعيشو يا العزيز بلاك

عيني سالت يوم خطاهم وانعميت ساعه فرقاهم

من سيه الاولاف وجاي انخلط في نومي ببكاي

فاهق شين عزيز امخلي سيورك تبكي واتملي

نلقا عزيز في ايد الغير قهاير وحسوفه وكاينه

فقد العزيز ديما ايسير غير خلوه الدار توجعك

خان غلاى وقسمي لطه خنجر بين اظلوعه حطه

ميكين خاطري اظلموه حطوه في خطا مو دايره

سبحان الي ماانهبلنا خلوه دار وغيبه هلنا

الغالي ماغيب لاشئ اتقول الا يبيها لي

مازالت عقلي واجعته خونت مرهون امدعدعته

عزيز حلم جاب خطاه**.بكيت فيه واوعيت للبكا

صيورا ايروم أبعضه . ايريد صبر يا عين الغلأ

خطا عزيز صار وفات تبكي عليه والا تسكتي

ما نقسم عا الياس حــــــــــــــــــلالي . ولا عمري دنقرت لـــــــــــــــوالي

فرقاهم امغير قسام لاجفيت لاهانوا علي

عدا العمر بالعامات...........تماني ومازال منقهر

شديد عزم في التوديع****الخاطر ما بكا لين باعدوا

خلوني لولاف ابروحي *** تميت انساهي في روحي

شكراً للمروركم ومزيد من الغناوى والشتاوى والى عندة يزيدنا

مستوها نهار خطاه ...الناس نين قالو بعزمها

غالي وين نشلني فارق.......ياريتا خلاني غارق

يوم خطاهم اول ماجاني مشمت لكن عزاني

ايمين علي هـــــــــــــــــــالقسم . والعازة سبب فـــــــــــــــــــــــــــي بعدهم

القسام هن اللي ظلام...........لنظار في الغلا ما قصرن

خطاهم قدامي قاعد........ضبابه نمسحّا وترد

يوم خطاهم عيني نقا تمشي واطيح وتتاقا

لو كان كــل شيء يا عين يلقى إلا موح دارهم

بيهن ارضينا غصب .. افعال وقت قاضيهن حكم

سيات في عقاب غلاك ، كْنسن يا علم قاعة الرجا

دمعى وسط الدار تمصا كيف ماصات اخر طاسه

عزيز غاب يوم اشغلك..........انسيه ويش لو كان قلتلك

عزيز بعد مادار خطاه.... توازت بدري نا واياه

ان خان العشرة مايلتام .. عرب خانت حتى صدام

عالخونه ياما وصونى ... ناس اعزاز وبيها جونى

بالك تحسابيها مني.....صار خطاهم غصبا عني

مع غلاه صار خطاه ............ انظر العين تبكي من ايهن

سيات العزيز عقار ايبيدن و ما باد رسمهن,,,,,,,