غناوي علم ع(الغلا)(البير)(التاقزه)(الدنيا)

تذكير بمساهمة فاتح الموضوع :

خانك ودار العيب عزيز الي ابراسه تحلفي

عزيز قبل مالي الدار خلاها خلا يانويرتي

لو كان لخطاهم لقيت عزم العين ماراها بكت

مازال واجعك ياعين فرقاهم الي ماله سبب

ماايموت نين انموت سطار جرح داروه القدم

ملي داروها في الخاطر ديما ياعقلي تساطر

زمان يالعقل اسلاف حملو بلاك كافيهم ابها

اظلمت فيك نين اتعبت شينك زمان ماصاحب لحد

اتصدق ماانصدق في شئ عزيز بعد هجرانه لي

ظلموني اعزاز بكيت واندمت في امغالاتي الهم

انخاف يا عزيز الظلم يردي عليك واتقول ضرني

كنيب في عزيز انعشم يرخوه الي رخاني لجلهم

الي مامتنا يوم خطاك انعيشو يا العزيز بلاك

عيني سالت يوم خطاهم وانعميت ساعه فرقاهم

من سيه الاولاف وجاي انخلط في نومي ببكاي

فاهق شين عزيز امخلي سيورك تبكي واتملي

نلقا عزيز في ايد الغير قهاير وحسوفه وكاينه

فقد العزيز ديما ايسير غير خلوه الدار توجعك

خان غلاى وقسمي لطه خنجر بين اظلوعه حطه

ميكين خاطري اظلموه حطوه في خطا مو دايره

سبحان الي ماانهبلنا خلوه دار وغيبه هلنا

الغالي ماغيب لاشئ اتقول الا يبيها لي

مازالت عقلي واجعته خونت مرهون امدعدعته

**الغـــــــلا**
امعاك ما انريد اعزاز~
يكفي غلاك ياغالي علي
ـــــــــــــــــــــــ
الناس يحسبوك ربيع
وانت عذاب يانار الغلا
ـــــــــــــــــــــــ
الغلا غير حرق اكبود
قليل وين لولاف يقسموا
ـــــــــــــــــــــــ
العمر كان فيه اطعمه
تكون هي مغالاتي لكم
ـــــــــــــــــــــــ
أنشيل ركن يرخي ركن
قطع لواي خراب الغلا
ـــــــــــــــــــــــ
سبل غلاي قالوا مات
قطارا شلا قال عيطوا
ـــــــــــــــــــــــ
نرجاك نين يفنى العمر
بعد غلاك مو لازم غلا
ـــــــــــــــــــــــ
مو من دون ارشا جراري
نعرف كيف غلاي انواري
ـــــــــــــــــــــــ
بالحيل ماعليه اتعبا
غلا اليوم كله امجامله
ـــــــــــــــــــــــ
ما اتقول في غير غلاي
وراه اتعايط كلها
ـــــــــــــــــــــــ
عليك ميعدو حساد ضروك
في غلا كان نافعك
ـــــــــــــــــــــــ
سماحت الغلا مقسوم
والكيد موعلي واحد ايجي
ـــــــــــــــــــــــ
ان كان الغلا قتال
الدايم الله يا اروحنا
ـــــــــــــــــــــــ
ع؛ك:شقيت في غلا مرجوج
لاسمعت فيه لا لا أيوه
ـــــــــــــــــــــــ
{ مانريدك اتضيع وضعت
عازيت فيك واجد يا غلا}
ـــــــــــــــــــــــ
اللي من أيديك أتضيع
تصعب عليك يبال الغلا
ـــــــــــــــــــــــ
وزاني ونا اموازيه غلا
عزيز ما كيفا غلا
ـــــــــــــــــــــــ
غلاك ناقشه فالقلب
ننساه كيف يا غالي علي
ـــــــــــــــــــــــ
بعروقه لوا عالكبد
غلا عزيز مآبا ينقطع
ـــــــــــــــــــــــ
مكيون غير داير عزم
هشيمه مخليني الغلا
ـــــــــــــــــــــــ
غلاك هودوا لنظار اصحى أتغيب راني ننعمي
ـــــــــــــــــــــــ
عديت بالغلا يا عمر أتسوق فيه ماصاد يلتفت
ـــــــــــــــــــــــ
سماحه الغلا تلذيع واسمور ليل وابكا وقطمره
ـــــــــــــــــــــــ
أمسوقر غلا ونقول مكبر وخيذتي فيه لولي
ـــــــــــــــــــــــ
جميع ما زرعتا صاف بختي عطيب يا ناس في الغلا
ـــــــــــــــــــــــ
صفيت شيب مو مالكبر
حسايف علي ضيعت الغلا
ـــــــــــــــــــــــ
{خالط ابدم الروح
غلا عزيز ما كيفه غلا}
ـــــــــــــــــــــــ
{شراب في المفاصل ذاب
غلاك داه مالا دواء}
ـــــــــــــــــــــــ
{حساد راميين العين
وراك يا غلاي ايعيطو}
ـــــــــــــــــــــــ
{ان خنت ياعزيز غلاي؛،
ايخونك مرض ماله دوا}
ـــــــــــــــــــــــ
{صيورا ايجي لبعضا*
ايريد صبر ياعين الغلا..}
ـــــــــــــــــــــــ
{نستاهل للي مني ضاع
نلقاني ترخيت عالغلا}
ـــــــــــــــــــــــ
{مكتوب ياالعين عليك..
أديري غلأ فيه مطوحا}...
ـــــــــــــــــــــــ
{بعد الروح بين ايديك امناك افيش ياصاحب الغلاء}
ـــــــــــــــــــــــ
{اليوم ياغلا غير لهو...
زمانك هلب موش لولي}
ـــــــــــــــــــــــ
{اتقول في الغلا محسود
انغلا ايام وايام ننتسي}
ـــــــــــــــــــــــ
غلاه جا اصداف ايام---بلهون ماعزيز ايلومني}
ـــــــــــــــــــــــ
{خلاني طريح اوساد غلا
عزيز ونقول مالمرض}
ـــــــــــــــــــــــ
{انلومك انخاف اتغدي
ظلمك انحمل ياصاحب الغلا}
ـــــــــــــــــــــــ
{تميت مالغلا للوقت
غربال فيد حرة راغبة}
ـــــــــــــــــــــــ
{ايديربك خلاليدين
وايديربك غلا موش كاينة}
ـــــــــــــــــــــــ
{بكيت عالغلا كي صار
اضياعة ونافي عازته}
ـــــــــــــــــــــــ
{ معاغلاه صار خطاه انضر العين تبكي امنيهن}
ـــــــــــــــــــــــ
{الياس والغلا جن توم والساهله امعانات ايهن}
ـــــــــــــــــــــــ
{ تميت كل يوم اتهون
يستر الله ياصاحب الغلا}
ـــــــــــــــــــــــ
{ سماحت الغلا تحجير منه ايسير وايسير مالدنا}
ـــــــــــــــــــــــ
{ لوكان عمرنا عمرين
ياضيعت الغلا ماتوجعي}
ـــــــــــــــــــــــ
{غلاكم امداد العمر
انموت بيه وامعاي يندفن}
ـــــــــــــــــــــــ
{ثقيل ماعليه اقدرت
غلاعزيز جافوق الجهد}
ـــــــــــــــــــــــ
{ هميتبك وجينا عرم
ثقيل ياغلاواجد علي}
ـــــــــــــــــــــــ
{متواجلات شور اضياع
يزابن غلانا وعمرنا}
ـــــــــــــــــــــــ
‏{ملقاه والغلا والنقص متلاحقات شي مابينهن }
ـــــــــــــــــــــــ
{ما مغير غلاك اوحدك
مامن غلا ضاع فالخلا}
ـــــــــــــــــــــــ
في عازتي اصحاب غلاي عافوني وماراهم الا
ـــــــــــــــــــــــ
{اغليتو يا لولاف علي
غلا زايد عل الروح علي}
ـــــــــــــــــــــــ
{صفيت شيب مومن كبر حسايف علي ضيعة الغلا}
ـــــــــــــــــــــــ
درت غلا ماداره والي
لكن ضروني عقالي
ـــــــــــــــــــــــ
^مع تحيات اشرف العبيدي^

عزيز اللي عوزني فيه دمايا والجار الطرفي

اول العمر اوتاليه .. تخميم فى دنا صاحب الدنا

يا ريت الغلا ما صار.. تباعد ونا في عازته

عزيز غاب يوم اشغلك.....انسيه ويش لو كان قلتلك

تستاعذ انطال الوقت تفقد اوجوه م الدوج توجعك

بشواش كرها م الدوج .... وسواس للخلا نين جابها

مشاركات بقمة التميز