**أنا لوحـة حـزن تبكـي عجز عن رسمها فنان""

من طرف hawa-36 2011-11-02, 6:59 am

أنا بشرح لكم حزني وحزني من صدى الوجدان

إذا غـاب الحـزن عني مسحت إدمـوعي بيديـه

أنا مجـروح في جـوفي وصـوتي للألــم عنــوان

ونفسـي ما تعـاف الصـبر وهي للحـزن مشريــه

أسـافر في تعب عمري مابين الشوق والحـرمان

عسى القى على الشاطىء وله أو شوق أو حنآن

أعـالج به دمـوع العـين وأخفـف حـزني شويــه

أنا شمعـه في عيـن الليل وقلبي شايل الأحـزان

وعينـي ما تـذوق الـنوم وروحـي دوم منسيـه

يذوب النور في عيني وأظيّع ماعرف الألوان

وأنـادي يا عيون الليـل ترى هالدنيـا وهميــه

أنا لوحـة حـزن تبكـي عجز عن رسمها فنان

وظـاعت كـل ألوانـي وصـارت بس رماديــه

رمادي لون أفكاري وحزني لو يشوفه إنسان

تمنـى الموت قبل الليل وشاف الموته عاديـه

أنا مـركب غــرامي تـاه في الـدنيا بلا ربــان

رمــاه المــوج في صحـرا لهـا شطأن رملــيه

وتاهت جمله أفكـاري مابين الـذكرى والنسيان

وظاعــت كـل خطــواتي في ليلـة برد شتــويه

وشلت أشواقي وجروحي أوازنها على الميزان

أخـاف أشـواقي تغلبنـي وتجبـرني على الجيـه

ورديـت أرسـم أحــزاني وأسمـع أعـذب الألحان

عسى ينـزاح حــزن الأمس وألاقي درب حريـه

سمعتــوا حرفي الدامـي وشفتـوا لوعه الحيــران

عسى يرتــاح كل مجــروح ويلقى أفـراح تاليــه