امسكـر علـي مافيـه..

من طرف **زهرة اللوتس** 2011-11-05, 9:22 pm

امسكر علي مافيه ***راك تفتحه تبكي اسنين عليه ***خليه خاطري امسكر علي مافيه..
مــاتــقــرب شــــــوره
خليـه فاقـد بسمـتـه وســروره
وخليـه دافـن علـتـه مطـمـورة
وخليـه متناسـي الــي مكـديـه
لو تقربـه تبقـى اسبـاب اسمـوره
وتخطـر عليـه اقـهـار وتبكـيـه
اشبوب الزها مايـوم نزلـن شـوره
وديما الـي فـي غايتـه اتخاطيـه
عاليـات ماهديـن نهـار ابحـوره
لرياح لربعـة تخـلاق برمـن بيـه
عايش معيشة اتقـول بيـن اقبـوره
ان كانهو خذا غفـوة خيـال ايجيـه
وعايـش ابنـار املهلبـة مكبـورة
اتقـول حالفـة بيميـن ماتخلـيـه
محبوس ابضليمة افسجن عالي سوره
وفـارح ابحكـم اعـدام ومراجيـه
امسكـر علـي مافيـه

امــســكــر بـــابــــه
لاتفتحـه تبقـى اسبـاب عـذابـه
واتخطر عليه اوحود كانـو احبابـه
وكانو اعزاز افوقـت فـي ماضيـه
ودارو الـي مادارهـا فـي احسابـه
فيهـم ان حتحتـه ابهـم عـزيـه
منهـم فقـد السيطـرة وصـوابـه
ايهفـو اوقـات اينـزحـو ماقـيـه
لاتخطـرة رانـي قفـلـت اكتـابـه
موالهـم حسبـت الــي ناسـيـه

امسكـر علـي مافيـه
لاتــخــطــر مـــاضـــي
هو سبب جرحي وهو اسباب امراضي
الخاطر معبا اهمـوم ماهـو فاضـي
خزيـن الكوايـن ســاده كافـيـه
امغيـر مايـوري دائمـاً متغاضـي
لـو تدخلـه ماعـد حيـاة اتعطيـه
خصما محامي ومستشـار اوقاضـي
حكـم البـراءة مانـهـار ايجـيـه
عاش في زمان عليه ماهـو راضـي
قـاوم نصيـب اوفالعقـاب ارضيـه

امسكـر علـي مافيـه
خـــلـــه امــســكـــر
لاتفتحـه ماضـي نسـاه اتـذكـر
وتخطـر عليـه الـي عليـه تنكـر
الـي بايعـه وهـو بالغـلا شاريـه
اسباب الخطا فيهـن الخاطـر فكـر
ايريـد يلتمسلـه عـذر مولاقـيـه
ضايـق ملاجـه خاطـري متعـكـر
وحامل مـرض ماعـد دواء يشفيـه
وسابـق خريفـه عالربيـع وبكـر
ويـاس ابقبالـي يردمـن سافـيـه

امسكـر علـي مافيـه
راك تفتحـه تبكـي اسنيـن عليـه
خليه خاطري امسكـر علـي مافيـه
.....Mirage Tour..
¤¤¤¤¤¤¤¤¤¤¤¤¤¤¤¤¤¤¤
منقوووووووووول
¤¤¤¤¤¤¤¤¤¤¤¤¤¤¤¤¤¤¤

من طرف بنت طبرق الحرة 2011-11-07, 3:32 pm

مشكـــــــــــــــــــورة اختـــــــــــي...

من طرف **زهرة اللوتس** 2011-11-11, 3:50 pm

مشكورين للمتابعة.وفقكم الله

من طرف شموخ عزى 2011-11-11, 4:48 pm

اشبوب الزها ما يوم نزلن شوره .... وديما اللى فى غايته اتخاطيه نجك نجك

من طرف **زهرة اللوتس** 2011-11-11, 5:31 pm

هههه ربي يخليك..

مشكورين للمتابعة الرئعة دمتم بحب وسعادة عطرتم صفحاتي بتواجدكم ....وفقكم الله

من طرف ولد الجبل 2011-11-11, 10:03 pm

قال الغناي :
امسكر علي ما فيه العقل نين غيابه إيجو

وشكرا

من طرف شموخ انثى 2011-11-11, 10:26 pm

امسكر علي مافيه ***راك تفتحه تبكي اسنين عليه ***خليه خاطري امسكر علي مافيه.. مــاتــقــرب شــــــوره خليـه فاقـد بسمـتـه وســروره وخليـه دافـن علـتـه مطـمـورة وخليـه متناسـي الــي مكـديـه لو تقربـه تبقـى اسبـاب اسمـوره وتخطـر عليـه اقـهـار وتبكـيـه
طاف طاف طاااااااااااااااااااااااااااااااااااااااااااف

من طرف اسماعيل ادريس 2011-11-11, 10:36 pm

لاتفتحـه ماضـي نسـاه اتـذكـر
وتخطـر عليـه الـي عليـه تنكـر
الـي بايعـه وهـو بالغـلا شاريـه
اسباب الخطا فيهـن الخاطـر فكـر
ايريـد يلتمسلـه عـذر مولاقـيـه
ضايـق ملاجـه خاطـري متعـكـر
وحامل مـرض ماعـد دواء يشفيـه
وسابـق خريفـه عالربيـع وبكـر
ويـاس ابقبالـي يردمـن سافـيـه
~~~~~~~~~~~~~~~~~~~~~~~~~~~
مشكوووووووووووره زهره اختيار مميز

من طرف زرقــ؟؟ــــاوي 2011-11-11, 11:01 pm

عندي عقل مستفرع وشاوي ..وانظر وين في اسيابه ايدور..
ونظر وين باننله جـــــلاوي ..مرقا فوق ولا هن حــــــدور ..
خذنه دروب في الدنيا مـلاوي ..هك وهك ممشاهن عكـور
بهن ما بات يحكي في حكاوي .. بطول الليل لأذان الفجور
احســــــــ زهرة اللوتس ـنتــــــــــــي ......
ع العقل كاثرات اوجاع** في قاولت الله غالب اغلب.