حقائق ليبيه

عيلة امجيهيد :
...
هذوم اللي امسكو السلاح و عدو بيه للجبهه اللي رد رد و الي مات مات و الي انجرح انجرح و يقولوا ديما الله اكبر و اشهد ان لا إله إلا الله محمد رسول الله , الله و الرسول و ليبيا و بس ...


عيلة اسريريق :

كلا هذوم ياباتي قاعدين ورا عيلة امجهيد وين ماينتصرو و ياخذو مكان ايجو يربشو و يسرقو و يقولو بعد يروحو قتلت عشرة مرتزقة و قبل اسروني بس انا هربت منهم ...


عيلة اخويويف :
هذوم الجماعة الي اطياح في المحكمة و القهاوي و الساحات حرفتهم دوَا و اول مايسمعو خبر يطلعو السلاح و

يقعدو يضربو فوق ز يقعدوا يقولو قولو لمعمر و عياله ليبيا فيها رجاله ..


عيلة متسيليق :

هذوم يا ولدي بعد ما انتصروا عيلة امجيهيد القيناهم هم الي سابقين و متريسين و واخذين الخير كله و يقولو دم

الشهداء ما يمشيش هباء ...

عيلة إفسيفيس
:

هذوما يا باتي يقعدوا عالنت و يسمعوا في اخبار قروب المنارة و يقعد يقولك ماسمعتش
و ديما تلقاه يقول لصديقته أنا ماشي للجبهه أنا طالع مظاهرة و هو مش قاعد بكل ...


الحفيد : و أنت وين جيت ياجدي في اي نوع و في نوع نسيت ماقلتش هذوما خمسه بس؟


الجد: الصراحة راحة ماهو يا باتي انا هو النوع السادس عيلة ( اعفيفيس ) شور تونس أول ماولعت في بعضها

ألقيت روحي في العاصمة طوالي و مولع النشيد و نغني سوف نبقي هنا
____________
_____
__