كبدي على نار ديمه اصدافي ... فتح الله الدرسي

http://www.herosh.com/download/692204/-........................3.mp3.html
كبدي علي نار ديما اصدافي .. من جار جافي .. ذابت وما يوم رايف اريافي

*-*-*-*-*-*

كبدي علي نار راحت طلوق .. من غير سوق .. منيحة انعطيت لا عدد لا احقوق
شواها اللي مرهون شويه روق .. وانا كتافي .. مضروب بالخلاف وما قدرت نكافي
مكيون بالغلا حاطي مغير ننوق .. بكميد الحسافي .. ننفخ وما يجمهر الجمر الطافي
واللي ضرني ما طاق بيه الشوق .. بالنوم غافي .. وانا وراه تقول غافر كافي
*-*-*-*-*-*-*

كبدي علي نار ديمه تخايل .. بوكله قصايل .. وكلت علي نار البطي والمهايل
بطلني البطال ابطلت ونا نحايل .. علي اللي منافي .. ابجره جرح وما سعفت اسعافي


*-*-*-*-*-*-*-*



كبدي علي نار راحت ارياح .. والعقل ساح .. والعين ضرها بالحيل ضي البياح
من جار شورنا مايوم بالود ناح ..سريبنا منافي .. تقول بيننا عظم في العلم خافي
الله يسامحه مولي العيون سماح .. بوعقل وافي .. مولي **** ع الكتوف مسافي
خلاني انكابي بالغلا منذاح .. والرجل حافي .. من الشوك حالتي كيف العوين الهافي
واللي حالته كيفي قليل ارباح .. ما له عوافي .. مع نار حمره واللهب لهلافي

*-*-*-*-*-*-*


كبدي علي نار ضاعت اضياع .. وراحت امزاع .. انهاست وتما دمها ترّاع
علي جار جرنانه لها لكاع .. في القول دافي .. وفعله علي اسكات ماو فعل صافي
لا اللي رحل ولا اللي خذا الشفاع .. قصّف عرافي .. خلاني عديم وشاويات اطرافي
واسقاني بكاسه مر حنظل اجراع .. سبحانه الشافي .. الي ب الزعل نا متت نا من لفو لافي
......... منقولـــــــــــــــــــــــه ....

مشكور حبة مسك على هذا النقل المرهف
لك تحياتي وتقبل مروري

كلام طيب اللة يعطيك العافية

تشكر حبه مسك

مشكور حبة مسك مع انى قرات القصيده فقط

حبة مسك أختياراتك دائماًرائعة للك مني حبة مسك

مشكور على هذة المشاركة الجد قيمة وانت دائماً مميز بكل ما تأتى بة من جديد ورائع موفق وفى انتظار القادم منك واكيد القادم اجمل