فضت والسلام"" لاعد لوم ينفع لاملام "" مع لولاف

فضت والسلام"" لاعد لوم ينفع لاملام "" مع لولاف

فضت يارفيـقي "" وضاع الود مني ومن عشيقي
صاف الورد فيدي وشاط ريقي """ وشال عزيز خلالي اوهام
ابقيت بعيد مانك في طريقي "" وضعت اضياع في وسط الزحام

فضت ياودوده "" وغاب السمح مول العين سوده
اللي ماعمر خالف في اوعوده "" ودوم غلاه يبري فالاسقام
اليوم خلاص صفتن ياوروده "" وخلف جرح ماكن فالاختام

فضت ما انريد """ نجبد جرح دامي من جديد
ايطول الشرح لكن مايفيد "" انكان حكيت ياما من كلام
صحيح غلاك هو بيت القصيد "" وجهك بدر يكنس فالظلام
وطيف هواك عمرا مايحيد "" انغبت وجيت قاعد عالدوام

فضت ياصحابي "" وراحن فيه محبوبي اتعابي
اول صوب في ثورت شبابي "" نبني فيه خايف مالخصام
ايضيع غلاه ماهو في احسابي "" وراح عزيز شالنه اقسام
انكان حكيت نحرق في اعصابي "" قصة حب كاينها منام
طال اجضري وأشرط سحابي "" فيك الحظ عاكس ياغرام"
~~~~~~~~~~~~~~~~~~~~~~~~~~~~~~~~~~~~~~~