جاتك رسالة يا عزيز اقراها...

من طرف **زهرة اللوتس** 2011-11-18, 9:10 am

جاتك رسالة يا عزيز اقراها*
فيها خبر عالعين شن بكاها**
أنت اللي امبكيها *
من يوم عنها غبت يا غاليها *
ولا جيت لا رنيت يوم عليها *
راهي الرنة بلبلاش اكراها*
حتى الرنة راه نرضو بيها*
رنت الغالي نعرفوا معناها *
عليك رايفت مابا النوم ايجيها *
ايولي امنين يقرب في روس حجاها *
جبنا اعدار ما بتش تقبل بيها *
وشرحنا ظروفك كلها قلناها*
قلنالها بالك مشا لجيهه *
مهناك فيها تغطية يلقاها *
وبالك هرب من ناس ما يابيها *
امسكر الهاتف شفرته نحاها *
و بالك الشفرة رايحة وناسيها *
والا باعها بارقامها واسماها*
قالت:كيف؟ باعها واحنا اسمانا فيها*
بالله كان يعزنا خلاها*
ظروفك شرحناها مع كل جيهه*
و قد ما حكينا ما نفعش اعماها *
تعالالها و احكيلها وشاكيها *
رانا ابشبحك دوم عودناها *
كلمها بصوت الحن روف عليها *
يلي عليك الكبد ربيناها**
..... رسالة رنت*
فيهاخبرعالعين ليكم حنت *
بالله اسمع خبرها واصنت*
بالك عليها اتروف يامشكاها*
ليك رايفت واشواق بيكم همت *
في غيبتك حتى النوم جفاها *
على مانصحنا مابتش تصنت*
ماهيش قانعة باعذار عددناها *
اتنوض فازة ماتقول غيرإنجنت*
حرام ماعرفنا النوم في سباها *
احنا نحلفووهيا افحلفي اتحنت *
العين واعرة لوكان عاندناها*
...... العين هذا حالها*
ذبلت وذابت من كثير اسوالها *
وحتى لذيذ النوم مايحلالها *
في غيبتك راهي قليل هناها *
ياماحكيت وماكلامي فادها*
لوكان نلقو راه صبرناها *
تبيك انت اللي ديما اقبالها*
غير شوفتك ماهناك من يملاها *
وهاذي العين وكل مايجرالها *
وهاذي الحكاية كلها قلناها
منقول عن..sami fellah