البيضاء جمال الكون كله فيها

من طرف **العاشق الصغير** 2011-12-06, 4:39 am

كيف نــــوصف وكيف نــــــــــحكيها البيضاء جــــــــــــمال الكون كله فيها

وقت الجد الروح في شانها نعطيها ويرخص كـــل غــــــــالي في سباها

كيف نقول جنه اعروفني نعــــنيها وهي جـــــنه في مضمونها ومعناها

عشقها فرض في حليب الام رويها وهي نفس الروح صعب نعيش بلاها

كيف شمــــعه في ظلـــام تضويها تنـــــور جمــــيع مـــن احـــــــــذاها

هي عروس الجبل بين ضــــوحيها سبـــــــــحان الله بــــــاري محلاها

هي تاج الثوره ماصارت خطيـــــها وكــــــــان بنـــــــغازي يد بيد معاها

وبكل شمخوخ الكون نفخر بيــــها ونحـــــــمد الله انـــــــي من ضناها

كيف نــــوصف وكيف نــــــــــحكيها البيضاء جــــــــــــمال الكون كله فيها