عيت المرهون

من طرف **العاشق الصغير** 2011-12-15, 7:16 am

ما زلت نا هو نا .. و جرحي من المرهون زايد داه

و فاقد دواي

ما زال في عزام .. صبار في طبعي شديد القام

و داير على المرهون سبر كلام .. نشعر و عندي في الكلام دوا

خطية عليها نقول ما نلتام .. بقصة حزينة تعبت فيها معاه

و هاد يا خوتي فيوم من الأيام .. قاعد عما صاحب الجو صفاه

مرت حدانا بريث و إنسجام .. عليها الجمال نزل من مولاه

تشوف العيون تقول لولي خام .. غثيث و خصايل حادرة يالاه

بيضاء جميلة و دينها الإسلام .. فاتت خذت عقلي قعدت بلاه

قلت يا صاحب الدنيا أسوام .. و سومي عماها نقول زاد غلاه

و خطر علي بأبيات جبت كلام .. حداي يا جميلة شعر يا محلاه

و مشيت يالاها بديت بالسلام .. و رد السلام علي ما نرجاه

و زي ما تتوقع كملت قدام .. لا سلام لا تكليم لا بسواه

قتلها دقيقة جايب عليك كلام .. و راه معاك القول ما نلفاه

و بالطبع ما ردت و في الختام .. حسيت روحي ذيب جنب شياه

حداي يا جميلة عليك بالسلام .. ما عاد تشبحي هالوجه لا سبّاه

ما زلت نا هو نا .. و جرحي من المرهون زايد داه

و فاقد دواي
عيت المرهون 944316