نكت سنفورة

قالك مرة في واحد سنفاز المهم سألته صاحبته شن تخدم قالها دكتور برا ايام تعال ايام و زي ما عارفين حبل الكدب قصير شبحاته في السنفاز ولما شافها كان في قدامه زبون طالب ثلاتة سفنزات عطهملا و قاله وحدة بعد الفطور و وحدة بعد الغدي و وحدة بعد العشي و الزيت ادهن بيه

—————————–

مرة أستاذ سأل طالب قاله 1*1 كم قاله أنشاء الله يتقاتلو .. وقاله به 2*1 كم قاله الطالب مش حركة تريس يأستاذ

—————————–

أسف جزيلا .. شكرا وسهلا .. جزاك الله ونعم الوكيل (( سكران امداير روحه أخلاق))

—————————–

قالك القراويين دارولهم سيمافرو … جو تاني يوم لقوهم مدايرين دورة و يدورو عليه ويقولو … تستور يا سيدي بو تلاتة عيون

—————————–

ليبي قالوله غدوة عيد الحب قاللهم باهي هذا صلاته كيف

—————————–

سكران مشي لي بريطانيا مشي كلمه واحد أجنبي مشي قعد يشبح لوطا ………………… طبعا يستني في الترجمة أمتى تطلع

—————————–

واحد حقود حكمو عليه بالاعدام هو وواحد ثانى قالولهم كل واحد ليه طلب أخير قبل الموت فالأول طلب إنه يشوف مرته وصغاره والثانى الحقود قاله ما تخلوشي يشوفهم

—————————–

مرة في واحد بخيل جاته وهابة (وحد تطلب في هبة)قاللها ربي يفتح عليك شوي ردت عليه قاتله باهي فرح الصغيويرة بحاجة قاللها الصغار يقرو قالتله ايه قاللهم برو غدوة عطلة

—————————–

واحد قروي قاعد هو وامه في أمريكا أمه مرضت جابها لتونس

—————————–

واحد بارد تزوج وحدة باردة جابو ولد دار روحه ميت

—————————–

جمل شد خمسة خرفان في تركينة قاللهم منو اللي قال شورب

—————————–

واحد سئله ا لاستاد قاله اعطيني اسماء تلاته زواحف زي البوكشاش قاله شد عندك ابو الكشاش وام الكشاش واخت الكشاش والكشاش بدات نفسه

—————————–

في واحد خاطم و عنده حمار ماشي بيه ,, القاه صاحبه ,, اقعد يتسهوك
عليه ,, قاله تعرف يا راس و الله عرفت الحمار و انت ما اعرفتكش…. قاله
عادي ,, الحميـــــر تعرف بعضها

—————————–

واحد كذاب قال لصاحبه: مره شفت فيل لونه احمر ويطير ،
رد عليه صاحبه: برا يا راجل …. ما فيش فيل لونه احمر

—————————–

فيه عائله ليبية تسكن جنب عائله مصريه وكان الزوج المصري يغازل زوجته ويقول: "حبيبتي شايفه القمر"… قالتله ايه يا حبيبي قاللها انتي احلى منه… سمع الليبي هذا الكلام فقال لزوجته"مسعودة": "تشوفي في القمر يا مسعودة" ردت عليه ايه نشوف فيه… تحسابني عورة زي اختك

—————————–

فيه مدرس سأل طالب…قاله شنو الحيوان اللي ينوضك لصلاة الفجر قال الطالب بابا.

—————————–

قزم يبي ينتحر نقز من فوق مرشبيدي (رصيف)

—————————–

سحانين مدايرين زردة جو الباسطي والمالفي والبكلاوة كلو كلو وبعدين صار فيها اللبز اللي يحدف بباسطي واللي بمالفي واحد منهم حدفوه ببكلاوةطاح ساخ جوه جماعته إنوضوا فيه بعد ماناض قالوله
(( سني يارازل طحت من طرف بكلاوة ؟ قاللهم ماهو دربتوها من زيهة اللوزة ))

—————————–

واحد اعمى ماشي للعرس رفع معاه ولده قاله كان الجماعة ياكلو بسرعة
انخصني باش الحقو معاهم,, امشي الاعمي عكس مع جماعة بدالي و هابي ,,
اقعد ياكل بسرعة الولد اتحشم ابدي ينخص في بوه ,, و الشيابني طايح ليه
ليه و الولد بنخص,, امشي الشايبني لوح الكاشيك
و قام الصونية ,, قاللهم تي غيـــر صلو على النبي يا جماعة بالشوية

—————————–

ابلة سألت طالب قالت له ,, عندك 5 دينار و اخد منك خوك دينارين و
نص ,,, قداش يقعد عندك,,, قاللها ما يقعد عندي شي ,, قتله كيف
قاللها و الله ما يقعد عندي حاجة ,, قتلها توا بتعرف الحساب احسن مني
قاللها توا انتي بتعرفي خوي احسن مني ,,

—————————–

أهبل يحط في بوه في القبر ويضحك
سألوه : خيرك
قاللهم: يفكر فيا بالبورديم

—————————–

قالك مرة فى ثلاتة أغبياء يلعبو فى السريع اللى تضربه سيارة مرتين يطلع

—————————–

قالك واحد عنده ولد اسمه عار والتاني فضيحه والبنت اسمها طريحه جي واحد اسمه رمضان بيخطب البنت امشي الراجل بضبح علي ولاده قاللهم يا عار يا فضيحه رمضان يبي طريحه

—————————–

غبي خش يعزي أهل المتوفى وقاللهم الانسان زي البني ادم اذا توفى مات

—————————–

في بخيل حكموا عليه بالإعدام بدفنه في حفره قالوله شن تبي قبل ماتموت قال نبي نشرب اميه قالوله نوض اشرب قاللهم مازال تبوني انوض تي اردم ياراجل

—————————–

مرة واحد توأم شاف اخوه، قاله تي وينك من الصبح أندور فيك ، امي خلتني ندوش مرتين

—————————–

مره زقرلوا(صرصور) ميت على روحه من الضحك أعلاش؟؟ اللي ايلحق فيه بالشبشب أحول

—————————–

غبي صايم اتصل على الليبية - fm قالوله : شن تحب تسمع.. قاللهم: مقطع من أذان المغرب

—————————–

واحد ندل خش لسوبر ماركت قاله عندك سكر قاله ايه عندي قاله الندل ان شاء الله ربي يشفيك

—————————–

عالم كيمياء.. انزاد عليه ولد سماه ســـــــــــامي أكسيد الكربون

—————————–

زوز سكارة مقعمزين خطم قدامهم واحد سرواله أمزق من تالي واحد من السكارة قال للتاني هذا أكيد مدرس نحو صاحبه قاله كيف عرفت ياراجل قاله من الفتحة الظاهرة على أخره

—————————–

وحده غبيه صقعانه قربت من النار باش تتدفأ .. بعدها قالت : الله لايحرمنا منها دنيا.. وآخرة

—————————–

شخص نادر تزوج امرأة نادرة .. جابوا ولد مهدد بالانقراض

—————————–

المعلم سأل طالب:اجمع كلمة لص…..الطالب:عصابة يا أستاذ

—————————–

وانبطح الحمار وغردت الزرافه وطار الفيل فوق الشجره واجتمع الاحبه الاسد والغزال ونهقت الحمامه وطربت العصافير ورقص القرد مع الديك غبي يحاول يكتب قصص اطفال

—————————–

التلميذ قال لابلته نحبك يا أبلة ونبي نتزوجك!!!!!!!تزرطت (أحرجت) الابلة وقالته: انا ما نحبش الأولاد الصغار!!!!! قاللها عادي حتى انا مش مستعجل على الصغار

—————————–

في واحد شري خروف العيد,,, روح بيه للحوش ولما بينزله من السيارة قعد ينادي يا ايمن يارجب ياخليفة يا مسعود… قاله الخروف تباهي شهدرت بيا توا ننزل بروحي

—————————–

قالك فى مرة واحد تعرف على وحدة قللها شن اسمك قالتله زهرة قللها شن اسم أختك الثانية قتلة أزهار قلها شن اسم أختك الثالثة قتلة زهور قلها شن اسم خوك قلتلة زهير مشى قالها مالا بطن أمك جردينة

—————————–

مرة واحد إمشي بيخطب .. امشي جابتلة البنت طاسة شاهي كيس امشي قام الورقة امتع شاهي الكيس .. وقلها شني ابنبدوا في جو السحر من توى

—————————–

غبي امشي لدكتــور نفسي ,, قاله الدكتور خيرك ,, قاله و الله مش عارف يا دكتور الناس ديما ايقوللي يا كلب ,, يا كلب ,, قاله الدكتــور من امتى الكلام هذا ,, قاله من لما كنت جرو

—————————–

واحد يبي يتزوج قال لامه نبيها بيضة وطويلة وتخدم جابتله ثلاجة

—————————–

في عزوزه مروحه في الليل لقيت واحد مسطول قالتله: يا وليدي انا رايحه, قاللها وانا مزيل.

—————————–

واحد فتح محل ثلج ماعرف شني يسميه سماه محل أسعد للمياه اليابسة

—————————–

ثعلب جعان شاف ديك يآذن فوق شجرة فقال …انزل تحت نصلــو جماعـــــــــــــــة..

—————————–

مره في عزوز وقفت تاكسي خاصه قاللها السواق وين تبي ياحاجه ..قالتله ووووووووك علاش التقصقيص

—————————–

نوري يحكي مغامراته لصاحبه محفوظ
نوري: كنت ماشي مره في الصحراء طلع عليا أسد شوي قعدت نجري نجري لين لقيت عمارة لبدت فيها
محفوظ : يا كذاب هو فيه عمارة في الصحراء؟
نوري: آه آسف قعدت نجري نجري لين لقيت شجرة طلعت فوقها
محفوظ : قال له يا كذاب هو فيه شجرة في الصحراء؟
نوري : آه آسف قعدت نجري نجري لين لقيت جراج خشيت فيه
محفوظ : يا كذاب هو فيه جراج في الصحراء؟
نوري : قعدت نجري نجري لين لحق عليا وكلاني .. ارتحت هكي

—————————–

واحد يغني في حفلة سرواله اتمزق الجمهور يصيحوله "سروالك مشروك" قاللهم باهي ياودي توا نغنيها

—————————–

كتكوت يعاكس في كتكوتة .. قالتله ماعندكش أهل يربوك .. قاللها لا لا امفقص في مكينة

—————————–

واحد يهدرز على وحدة وبيدير روحه هابي فاميلي .. قالتله وين تقرأ .. قاللها في كورنتيا

—————————–


واحد سكران بكل يسالو فيه قالوله شنو اصعب حاجة فى الحياة قاللهم انك تحلق لحيتك وانت تاكل فى مستكة
—————————–
دخان نوي يتوب ولى سواك
—————————–
مرة في عزوز اتوتي لعرس ولدها اتزغرت في شكاير واتحط في الفريز

—————————–

أحول…… سجل في الجيش …… حطوه في قسم القصف العشوائي

—————————–

مرة فيه وحدة تحلم انها لابسة فيلو وتحت رجلها كلب (حشاكم) وفوق راسها حمامة
المراة تبي تعرف معنى الحلمة شوية مشت لواحد يفسرلها الحلمة .. قاللها :
تطيري .. تكلبي .. مانك متزووووجة

—————————–

وحدة عورة …قالت لراجلها : دلعني
قاللها : ديريلي افطور اندلعك
جابتله الفطور..قاللها: ( جت العورة..دارت دورة….جابت للمنكوب افطوره )

—————————–

واحد قروي جاته الشهيقة . قالتله أمه :ركب الميزة..باش تعرف مني ايقرم فيك…؟

—————————–

سكران مشي لجنازة سأل راجل قاله شنو يشتغل الميت قاله حفار قبور قال السكران سبحان الله من حفر حفرة لأخيه وقع فيها

—————————–

واحد مشي للدكتور لانه تعبان فحصه الدكتور وقاله عندك فيروز في المعدة قاله حلو زيد دور ممكن تلقى نانسي عجرم

—————————–

خروف سأل أمه ماااااااااء وين بااااااء قالت : أمباع

—————————–

في تاجر مخدرات مشي بيخطب… سألوه شنو تتشتغل؟… قالهم: فني تكييف

—————————–

مره في واحد نذل لدغاته لفعه قعد يضحك .. قالتله خيرك تضحك قاللها فيا الايدز

—————————–

قالك فيه مرة تلاثة مخانب خشو حوازة بيخنبوها
فجأة جي مولا الحوازة لبدوا المخانب في شكاير خيشة
شافهم مولا الحوازة استغرب قال زعمة شن فسطهم الشكاير
ضرب الشكارة الاولى
الخناب : ميو ميو
مولا الحوازة : آآآآ شكاره فييها قطاطيس
ضرب الشكارة الثانية
الخناب : هو هو هو
مولا الحوازة : آآآآ شكارة فيها كلب
ضرب الشكارة التالثة
ماطلعش أي صوت طاح في الشكارة تهبيك
طلعله الخناب تي بطاطا يارجل شن تبيني انقولك !

—————————–

واحد نذل فتح مصنع بيبسي كتب على كل علبة : رج جيدا قبل الفتح

—————————–

سكران أتصل بمطعم قاللهم في عشاء قالوله فيه قاللهم أعزمونا حتى بالكذب

—————————–

في بقرة جاها جفاف بديت تجيب في حليب بودرة

—————————–

مرة فيه اربعة سمر تغطو بي بطانية حمرا ولو شكلاطة كيت كات

—————————–

مرة فيه واحد ماشي بيعزم صاحبه علي عرسه مشي فتحتله بنت حلوة هلبة مشي تلخبط قلها عبد القاعد قادر مشي قتله لالا مش موجود شن نقوله لما يجي قلها قوليله حميدة الجاي لا حميدة اللي بعده عرس خميس بش تتفضل وهواقصده عبد القادر قاعد وقوليله لما يجي الخميس الجاي لا الخميس اللي بعده عرس حميدة بش تتفضل

—————————–

مرة في شيباني وعزوز بعد ما زوجو صغارهم قعدو بروحهم وفي يوم من الأيام مكسدين مشي الشيباني قال للعزوز شن رايك انردو ايام زمان قالتله شني قاللها نتلاقو اليوم الساعة 7 في طريق الشط ………. مشي الشيباني لطريق الشط الساعة 7 ويراجي في العزيز المهم فاتت ساعة العزيز مجتش لما روح قاللها خيرك ماجيتيش قالتله زعميتك أمي ماخلتنيش

—————————–

واحد ليبي ومصري تلاقو عالحدود الليبي سأل المصري قاله كيف شكل بلادكم
المصري رد قاله زي علم بلادكم كلها خضراء
فالمصري سأل الليبي وقاله كيف شكل ليبيا ،، الليبي رد عليه قال له زي علم بلادكم
نسحبوا عالأحمر ،، ونجروا عالأبيض ،، وأيامنا سود

—————————–

مرة وحدة لما انخطبت مشت لصاحبتها بتتجكتر عليها مشى قالتلها وااااااااك الواحد من النو قريب ينحي الدبلة

—————————–

في واحد عنده دجاج ماشي بيه من ترهونة لــــ طرابلس ..
شدوه في البوابة الاولى قالوله شن عندك قالهم دجاج قالوله شن توكل فيه قالهم شعير
قالوله توكل في الدجاج شعير والناس مش لاقية ما تأكل شدو عطوه طريحة قريب قتلوه…
مشي للبوابة الثانية شن عندك دجاج شن توكل فيه قالهم كناسة قالوله توكل فيه كناسة وبعدين تبيعه للناس
عطوه طريحة قريب قتلوه ..
مشي للبوابة الثالثة شن عندك دجاج شن توكل فيه قالهم من الاخير (( نعطيه في مصروف وهو يمشي يشري بروحه ))…

—————————–

واحد كيف طالع الصبح من الحوش قال لأمه ادعيلي
قالتلا : انشاءالله طويلة و خضرا
طلع من الحوش تضربه ليبو

—————————–

واحد سكران جاه عزرائل قاله انا ملك الموت قاله خلعتنى حسبتك مكافحة

—————————–

في زوز عزايز لقوا ولد طرف للمليون يعاكسوا فيه قالتله العزوز الأولى تتزوجني قالها: نتزوج كلب ومانتزوجكش مشي العزوز الثانية قعدت اتقول : هو هو هو هو

—————————–

مره واحد حب يخطف طيارة بدل ما يدخل غرفة القيادة دخل الحمام لقي واحد صوب عليه المسدس و قاله : نزلها في قبرص قاله: نزلتها خلاص.

—————————–

واحد دلوع بعثه بوه بيشري خروف العيد .. جابه معظم و صوفه منتفة قال له بوه شن هذا قال الولد مايغركش منظره يابوي شوف عيونه كيف ملونات.

—————————–

قالك في عيد الاضحى ,, واحد عنده ولد سحنــون ,, امشي الراجل ادبح الخروف و قال للولد هي زود انفخه ,, قاله كيف يا بوي ,, قاله انخفه زي الناس ,, امشي الولد ابدي ينفخ في الخـروف ,, ايقوله ,,ايوة انت يا خروف ,, اللي عندك قرون ,, انت يا خروف يا زعيم يا اللي عندك هلبة صــوف ,, على اساس ينفخ فيـه

—————————–

واحد سكران يزوق في حوشهم , خش عليه بوه قاله فرش جرايد تحتك يا ولدي, قاله عادي يابوي حتى هكي نلحق .؟

—————————–

معلم و معلمة تزوجو كتبو الكتاب في السبورة

—————————–

واحد طلع له جن في الليل ومش حافظ شيئ من القرآن .. غناله طلع البدر علينا

—————————–

قروي سألوه شنو معني الغرام قاللهم الغرام أصغر من الكيلوغرام

—————————–

قروي في الحمام ايصيح وين الشامبو … قالوله عندك في الحمام قاللهم هذا للشعرالجاف وأنا شعري مبلول

—————————–

سودانية حلمت بسيارة مليانة فحم مشت سألت الشيخ … قالها:هذا العريس هو وعيلته

—————————–

بوبريص يكذب علي صاحبتة يقوللها أنا كنت تمساح راهو .. غير هلكني الشرب والسهور

—————————–

قروي كندرته إتمزقت خيطها .. بعد أسبوع شافها تحسنت نحّالها الخياطة

—————————–

قملة وقفت تاكسي قالتله راس حسن لو سمحت

—————————–

مـــــــــرة واحد معاق قال لي صحابه اللي يقلد مشيتي نعطيه اللي يبيه

—————————–

قالك واحد راقد هو و مرته ناض على صوت دوشه فى العمارة طلع يشوف شنى فيه لقى الجيران يقولو فى تسمم فى طوبوات المية و الخزانات مشى و لا بيرقد ناضت مرته قتله شن فى قالها ما فى شى اشربى طاسة امية و ارقدى

—————————–

مرة في واحد ولده صايع مشي عطاه دسكات وكتابات اسلامية جاه بعد سبوع لقاه متحجب

—————————–

مرة في واحد رافع طانطا لتونس شدوه عالحدود قالوله شن فصطها قاللهم طمطم قالوله لازم تاكله كله بدي ياكل وكل ما ياكل طماطمة يقول حيه علي خليفة حيه
قالوله من هوا خليفة قلهم واحد وراي جايب طانطا فلفل

—————————–

مره في واحد تعارك هواه وامه جابلها صندوق حليب قالها هدا اللي بيني وبينك

—————————–

غبي أنقذ واحد غارق.. عطوه وسام شجاعة وقالوله: بس للأسف الراجل انتحر شنقا.. رد الغبي: لا إنا علقته باش ايجف

—————————–

مره واحد سئلوه شن تعريف الزوجة: هى غلطه،ورطه وطول العمر ربطه يا تصيب يا تخيب يا تجيب جلطه

—————————–

مرة في واحد حب طحنوه

—————————–

واحد جاب ولد و صار عمره خمسة سنين و ما يتكلمش …… في يوم الولد تكلم …. و قال: خالي….ثاني يوم ….. مات خاله …. بعد اسبوع …. قال :خوي …… ثاني يوم ….. مات خوه ……. و بعد اسبوع قال : بابا ….. الاب كتب وصيته على اساس انه بيموت ثاني يوم ……. مات جارهم

—————————–

مره في كلب جاه إنهيار عصبي لاش؟…. ينبح على واحد أطرش.

—————————–

مرة فى واحد قروي حلم جماعة يضربو فيه جاب اولاد عمه ورقدو من العشية

—————————–

في مرة استاذ رياضيات اتزوج ابلة رياضيات جابو ولد شبه منحرف وبنت دايرة على حل شعرها.

—————————–

واحد سكران يهدرز على روحه يقول .تمساح في البانيو … لالالا… فروج في المحبس … لالالا… بوبريص في السخان .. لالالا …ضفضع في الصحن …مشي اتصل بالدكتور قاله يا دكتور شن هو المرض اللي عندي ..قاله الدكتور هادي المرة المليون تسألني ..يا راجل انت عندك سرطان في الحوض

—————————–

قالك فى مرة ميكانيكى شري سرير رقد تحته