الله الله يا صاحب أكبرنا

من طرف opengod2000 2011-12-17, 12:49 pm

الله الله يا صاحب أكبــــــرنا
مر العمر في سرعة ثواني
ريت وكيف نا وياك صـــــرنا
بات أفـلان وبناخي الثاني

ريتا كيف ابها السرعه أيعدي
بخفــت يد ويهــــــــوي علينا
وبترجيب واخــــذنا أمـــــودي
سرعة برق ماشي وين بينا
مــــــوش بعيد أينادوك جدي
موش بعيد وأقـــــريب أتجينا

عند علم واحـــد من أعيـــالي
زايد شـــبر في طــــــوله علي
وعندك علــــــم يجبد فالبدالي
وأيقول علي ما ضني أتجــــي
ولآخر ريت تفـــــكيره خيــــالي
أيــــريد أمعـــــاه انخليها free
وأيريد أيسوق كرهبتي أبدالي
ناقــــــــــص غير يبقالي وصي

نا والقــــــــــــــلب رانا ما أقــــــدرنا
نا وياه في مشـــــــكل أنعـــــــاني
كيف الطفـــــل كي قتله أكـــــــبرنا
وقتله الشيب في راسي كساني
وقتله أرجــــــــــوك يا قلبي أعذرنا
رد وقال يا شــــــايب خطــــــــاني

..للشاعر:عبدالله فؤاد