رنيت وماردعليا يشغل فيا والله مادرت خطيه

من طرف **العاشق الصغير** 2011-12-20, 6:56 pm

رنيت ومارد عليا%%% يشغل فيا
والله مادرت خطيه
رنيت ونبيه يرد%%%علي حاله نبي ننشد
ثاريته العشرة مايعد%%%ومافي قلبه لي حنيه
رنيت وداره مشغول%%%والله ماهو معقول
موش عارف نا ايش نقول%%%ليش هكي معاملته ليا
رنيت عليه ورنيت%%%وبااشواقي ياما ناديت ليش عليا مارديت%%% والله سامع مني سيئة
عاودت وكررت الرنه%%%بالك في قلبه شوي محنّه
ليش رناتي مايعننا %%% وانا صافي امعاه النيه
رنيت انغالط في روحي%%%هو الغالي وداوي جروحي
وعمرا مايرض في موحي%%%لكن قاسي ميه الميه
رنيت ماهو امعبرني%%% شكله هكي هو ناكرني
كانهوا زعلان يفكرني %%%والله الاشواق نقيه
رنيت ومابا يعانيه%%%يارايته يقول ايش فيه
وانا اللي بروحي نفديه%%%وحتي الروح عليه شويه

رنيت وماردعليا يشغل فيا والله مادرت خطيه 944316