راجيت ما جيت مليت .. واجد وطـــول رجاك

من طرف **زهرة اللوتس** 2011-12-20, 7:35 pm

راجيت ما جيت مليت .. واجد وطـــول رجاك
واريت داريت هديت .. دمعى ودمعى افداك
هويت غفيت نطيت .. كى جاب المنام مدعاك
سميت صليت ودعيت .. تصفى يالغالى سماك
كفيت جميت وبكيت .. ماقدرت واعر خطاك
هميت صبيت جظيت .. طامع نريد نتبع اخطاك
نابيت واوميت مابيت .. نجاوب جريح نباك
دوايت كويت ما ابريت ..على اللى نسيته وراك
عديت جبيت حقيت .. امواهيم شينه بلاك
حنيت هفيت خفيت .. من بعته بعد ما شراك
اتكيت تمنيت ياريت .. نلقى عزم بيش ننساك
عطيت وخذيت وارضيت .. بمال غير كنك عطاك
شديت قسيت رقيت .. العزوم كى آيست دنواك
عزيت رديت لاقيت .. ياسك أموكر هناك
شقيت حاييت وهفيت .. من نار ياجميله غلاك
غليت انتهيت تهنيت .. تريحت رقت مقساك
انسيت كى اقسيت وسقيت .. حرفين خاطرى من اسماك
تعليت تواريت تميت .. ياطير مبعد جباك
تعليت تواريت تميت .. ياطير نقطه فى سماك
واطيت دقيت فكيت .. يابيت ما صار من ابناك
هديت رقيت ما امليت .. يادلو قاصر ارشاك
غنيت ظميت طقيت .. على عقل شلتى معاك
شتيت وآلقيت وحكيت .. للناس نشكى بداك
وخطوه ياهو خلوه .. هذا جرح غيه قديمه
لمستوه عقتوه اسعفوه ..انكان سال راه يسيل ديما
عانوه داووه كووه .. بالسم وايدن غشيمه
حقوه خافوه انكروه .. بعد هالظليمه ظليمه
منقووووووووووووووووووووول...............صقققققققققع