خبر والله اعلم

من طرف محمد اللافي 2011-12-28, 11:25 pm

مداخلة نائب محافظ البنك المركزي علي محمد سالم -- 97 مليار دولار إجمالي الاصول المالية الليبية المفرج عليها -- أعلنت ليبيا سيطرتها على 97 مليار دولار بعد أسبوع من موافقة الاتحاد الأوروبي على الافراج عن كل أموال وأصول مصرف ليبيا المركزي والمصرف العربي الليبي الخارجي. وقال علي سالم نائب محافظ مصرف ليبيا المركزي في مؤتمر في طرابلس إن المبلغ بالكامل أصبح تحت سيطرة الحكومة الليبية --الاربعاء 28 ديسمبر الساعة 23:05

المصدر نت

من طرف ميرسلاف 2011-12-29, 12:25 am

اتمن ذلك من كل قلبي خبر والله اعلم 53112

من طرف محمد اللافي 2011-12-29, 12:58 am

ان شاء الله خير

من طرف **جمال المروج** 2011-12-29, 1:00 am

اللهم آمين أيش ودنا

من طرف كوجا جينوسكي 2011-12-29, 1:12 am

الله يفرج علينا الكرب ويبعد عن بلدنا المشاكل ويرزقنا من الطيبات

بارك الله فيك اخي محمد

من طرف محمد اللافي 2011-12-29, 1:14 am

اللهم امين
مشكور وبارك الله فيك

من طرف ولد الجبل 2011-12-29, 9:10 am

في المثل الشعبي : قالوا ايش يتمنى العمى قالوا قفة عيون "
فنحن نتمنى كل خير لأننا حرمنا اربعة عقود من خيرات بلادنا .. نسأل الله أن يطرح فيها البركة وأن تصل إلي مستحقيها دون منة من احد لأنهم اصاحب الحق دينا وعرفا وقانونا ...

شكرا اخي محمد علي الأخبار الساره

من طرف شموخ انثى 2011-12-29, 9:54 am

نرجو نرجو نرجووووووووو

مشكوووووووور

من طرف محمد اللافي 2011-12-29, 11:10 am

اللهم امين يارب
ان شاء الله لبلاد من خير الي خير اشوي قضايا ينحلن بأذن الله بس ما يعني انا نسكتو علي الخطأ او انعاودو خطأ التمجيد والتقديس
لكم كل الشكر والتقدير

من طرف نسمة حب 2011-12-29, 11:16 am

من طرف محمد اللافي 2011-12-29, 11:24 am

مشكورة اختي نسمة علي المتابعة

من طرف meme almansory 2011-12-29, 11:29 am

انشاءالله خير .
المشكله ياخوي محمد في المصارف والصرفين يسكرو على المنظومه يقعدو الناس اتراجي فيهم كل يوم نفس الطريقه محد يسلك .
نحن علينا نصبرو نين يفرج ربي

من طرف محمد اللافي 2011-12-29, 11:31 am

ممكن في خلل معين اختي ميمي
المشكلة في السيولة وطريقة توزيعها

من طرف **بوفرقه** 2011-12-29, 11:43 am

الفلوس اللى برا...لوكان ايخلوهن برا خير ....لانه حيجن ويلعبو فيهن ضنا الحرام وربما المليشيات المسلحه اتسيطر على البنك المركزى وينهبوهن...هذا من ناحيه...وبعدين الليبيين حتى اللى اصلع طلع يزرع فى شعر على حساب المجلس ..وسيبو الناس اللى قاعده فى مساكن بالاجار...ان لله وان اليه راجعون

من طرف محمد اللافي 2011-12-29, 12:54 pm

هههههههههههههههههههههههههههههههههههه وبعدك كلهم صلع يا بوفرقة
والله صح اتخاف من المليشيات المسلحة

من طرف meme almansory 2011-12-29, 1:46 pm

في عقيد في الجيش ساكن بي اجار في شقه اصغيره وهو عقيد كبير ومعروف مفروض المجلس يوفرله سكن وقعد في الجبه محد سال عليه انشاءالله ربي يفرج عليه وعلى كل الليبين

من طرف محمد اللافي 2011-12-29, 2:03 pm

معقولة ايفكرو فيه ويسيبو المشايخ الي طلعو اول امس وتوا امراء كتايب زايطين فيها افلوس شي خيالي فوق ماتصور ويحكمو في بنغازي
طبعا موش كلهم في منهم شرفاء
ومجلس يعتمد علي مليشيات ولا يعتمد علي الجيش ليش الله اعلم

من طرف meme almansory 2011-12-29, 2:14 pm

عشان مصلحته ..الجيش يخرب على المجلس كل حاجه يفكر فيها يقدرو من توا يشكلو جيش يحمي لبلاد من مليشيات لاكن مايبوش الجيش يشكل وربي يجازيهم

من طرف محمد اللافي 2011-12-29, 2:35 pm

حسبنا الله ونعم الوكيل موش عارف ليش ما يتعضو بمصير سيدهم
بس انقولك انا شخصيا مازلت شاك في سيف وجماعته في شي بين المجلس وسيف كل جماعته توا منتشرين بين المجلس و مدراء شركات ومؤسسات الدوله واغلب السفراء والتجار اصحاب سيف هم الي شايخين في ليبيا