مليان يابحر كيفك... غياض وكامي ... امغير انت عندك للغياض مرا

مليان يابحر كيفك... غياض وكامي ... امغير انت عندك للغياض مرامي
==================================
غياض وحاير ... امغير انت عندك للغياض امواير
بهن يعرفوك الناس مانك باير... ايهابك الي ينظر الجم الطامي
ونا مغير نكما في غياض عباير ... وساكت علي قهري وضيق علامي
خايف البير ايعلم يصبح غاير ... دنان السقيا فالنهار الحامي
سديت من مداجات الفراق الساير ... خطا وصار ماعندي عليش انمامي
غياض وهايب ... مغير انت ماعندك ابعاد قرايب
علي حد علمي كان عندي نايب ... ايام والغوالي عارفين مقامي
الي وين ماهمو انشيل صلايب ... لا نقول جوبا لا وعر قدامي
وفي طبع غالبني من ام جنايب... ايزيدن معا طول الطريق عزامي
هايم وعقلي فجلاوي غايب ... البيت ع الكتب فرقت اندقت ارمامي
==================================
غياض ؤ واطي ... علي راي صار بعزوتي ورباطي
ونكان حاربوك الناس تبقا خاطي ... بلا اسباب تصبح رميت رامي
حتي وهن مراضي والعقول معاطي... نار المحاور ع الوجوه اتسامي
وياما بكت عيني وماهمتم
اعزاز ياسم سبب... خلا جلوتم ... وجا كيدها علي امغير اتعتم
==============================
خلا في صوه .... القايس الي قايس عليها كوه
انكان قالي دورت اقلال امروه .... انقولا عدوهم ما لحق بورتم
فالدنيا جرا واجد وهن لا توه ...اشداد عزم صبارا علي عازتم
خلا يستاهل .... ابكا العمر هو كلا اجمام مناهل
ونا فالكلام السمح مانجاهل ... يابال هاضول انضري في نزلتم
اغيابهم مخلف فالعقول هلاهل... ومسع نهار اسكتت بكايتم
وديما عليهم نا وعيني حزانا
تخطر علي من هذي ... قديم غلانا ... اسمعنا خبر فرقاه ماكدانا
==============================
قديم اللوعا .... تما خبر فرقاه مو فيجوعا
ارمامهن جواجي خاطري منزوعا ... قولت الغالي من يكون مكانا
ولا امتبع راي جا في طوعا .... وحوال الزمان امصفيات احزانا
ولا نالي في رقبتي مدلوعا ... متوشح اقلادة هجر كي الحصانا
منا قريب خلاص ماعد نوعا... انقضي شباب العمر في نيرانا
غنيما لهن والغيرهن مشروعا .... لله كل حد فيها لهد بحصانا
الا من غلانا ديتا مدفوعا .... من هو حي متجبر عليه زمانا
~~~~~~~~~~~~~~~~~~~~~~~~~~~~~~~

من صاحب القصيده يا اسماعيل....روفه ولا رواف

مشكور ياخوي على القصيده.........
يا اخ بوفرقه القاصيده للشاعر محمد بوسته اللعبيدي

راس البيت موش عارفه بالضبط ولكن
اللي مشوا فيها اثنين ...رواف جادالمولى الرفادي ..محمد بوسته
مشكورين وبارك الله فيكم

مشكوره زهره لمرورك

مشكـــــــــــــــــــــــو يابو ادريس

العفــــــــــــــــــــــــــــــــــــــــــــو عـــــــــــــــــــــاشــــق
مـــــــــــــــــــــــــــــــــــــرورك أســــــــــــــــــــــــــــــعدنــــــــــــا

تسلم اخى اسماعيل كلام طيب

مــــــــــــــــــــــــــرورك اسعدنا أخي فرج