**قصه حقيقيه ** صارت في مدينة بنغازي

من طرف **زهرة اللوتس** 2012-01-18, 12:22 pm

**قصه حقيقيه **
صارت في مدينة بنغازي
فيه راجل معقد جداً وزي مانقولو (حاله) كل مايخش الحوش وهوا يهزب في مراته واوقات واجد يتعدي عليها بالضرب المبرح لدرجة ماخلش فيها حاجه سليمه
والعيال يبكو يقعدو علي ساير مع صغر سنهم ومايعرفوش شنو ايديرو
وامهم صابره ماتبي تمشي لحوش هلها وتسيب العيال وصابره علي راجلها اللعصبي
وقررت ان تمشي لدكتور مختص بالحالات الاجتماعيه والمشاكل العائليه
وشبه يومي تجيه وهالمرأه تجي مسكينه وجها ملون
من الضرب وحالتها مزريه لدرجه ان الدكتور عجز علي مساعدتها لان كل الحلول مانفعت معا هالراجل الحاله
حتى يوم الدكتور طلب من هذي المرأه المسكينه ان معش تجيه في العياده وحكالها ان قعد منظرها مش حلو وحتى العياده كلهم حفظوها وقاللها سببتيلي احراج حتى انا عجزت عن مساعدتك
وبعده فتره تعدت الشهرين جت نفس المرأه للعياده ودخلت عالدكتور
والدكتور انصدم بيها حيث ان المرأه كانت في احسن احوالها وحتى الراحه باينه علي وجها والعز طالع عليها وكان لابسه ومتأنقه وفي احلى حله ليها وبسيارتها وبكل احترام كيف حالك يا دكتور .. رد عليها انتي كيف حالك
مشاء الله نايره طمنيني عليك شنو صار معاك
ردت عليه بكل اريحيه .. الحمد لله يا دوكتر في نعمه وفي احسن حال
رد الدكتور الحمد لله يارب دوم احكيلي انتي اطلقتي من زوجك
ردت عليه لا ماطلقتش يا دكتور وقاعده معاه ومع العيال
الدكتور باهي كويس شنو صار احكيلي بطل يضرب فيك وربي هداه
ردت عليه وتحكيله القصه
قالتله فيه مره كنت في لمه عند وحده من صديقاتي وكنت قاعده بروحي
سمعت وحده من الصبايا اللي كانن في اللمه تحكي علي طلبه وكيف تعامل معاهم وتعليم وضرب والكلام هذا بس كان الحديث شويه مختلف
وباذ هذه الرأه مدرسة فنون قتاليه كونفو_ وتكواندو _جودو
وفسالها قالتلها انتي تعلمي في العيال كل شي طرق الدفاع والضرب واللياقه ونقاط الضعف في الجسم قالتها نعم مزبوط
فا طلبت منها تعلمها اول شي طرق الدفاع عن النفس وتلقي الضربات بطريقه اسهل وماتحسش بالالم وماتسببش اي ضرر
واتفقت معاها علي يومين في الاسبوع حتى تجيها في الحوش
واستمرت لمدة شهر ونص حتى تعلمت كل الحركات وقعد عندها ليقه وسرعه في الحركه
وذا بيوم روح الراجل وخش الحوش وين غديا يا .............. ويشطح كالعاده وصوته عالي ومتنرفز وقارن حجاجاته قالتله مافيش غدا اليوم دور وين تتغدا وطلق لسانه علي هذك الوليه وقالته تبيني انخربلك وجهك قالتها دير اللي تبيه مافيش غدا والعيال بدو يبكو عارفين مصير امهم وجا الرجل منطلق عليها بيضرب وبحركات خفيفه من هه المرأه الضعيفه وبسرعه فائقه اذا بالراجل لقى روحه علي الارض وعطهن له علي وجها صبا مشا لدار وسكر علي روحه الباب بعد ما انضرب من مراته اللي كان يضرب فيها ديما
والهيال في مره وحدا اااااااااااااااااي ماما ماما
ويضحكو فرحانين ومن يومها الراجل معش قرب علي مراته ولا جا شورها ودارت سياره وقعد ماشي معاها وخايف
............. ربي يستر وخلاص خليكم ماشيين معاهن تمام خير

من طرف pure heart 2012-01-18, 12:27 pm

هههههههههههه صحة لها

من طرف امورة درنه 2012-01-18, 12:41 pm

هههههههههههه

والله يستالها

من طرف سـيف التميمي 2012-01-18, 1:20 pm

ستاذتي زهرة.....!!!!!!!!

هذا تهديـــــــد مبطن....وفيه من الاستنتاجات الكثير...!!!

وتعليم عن بعد.... وإثارة بنات حواء... والتحريض على العنف!!!!

وماذا بعد هذا؟؟؟؟؟؟

Shocked

من طرف **جمال المروج** 2012-01-18, 1:48 pm

الصبايا شايفات أرواحن اليومين هدوم
بس أنا رديت بقوة ونلم عليكم الشباب

ياريت الرجال يقدروا حق تعب النساء فى البيت

من طرف كوجا جينوسكي 2012-01-18, 1:56 pm

اي والله يااخي جمال وينك يا محمد اللافي تشوف عيث حنا شنو يقولو

وزهرة تهدد فينا بتكواندو وكاراتيه ونحنا عندنا جمال بطل ليبيا ف الجودو وريهم يا جميل ونحنا وراك

من طرف **جمال المروج** 2012-01-18, 2:02 pm

امالا شنو
هو خلاص
معش فى رجالا
كوجا انكمل حديثنا فى المربوعة احسن

من طرف سميرة2 2012-01-18, 3:19 pm

عاجل

يا زهرة ابعتيلى عنوان الابل والا اقولك بلاش حرام زوجى عمرا ما كان هكى خليها مرة تانية

من طرف **زهرة اللوتس** 2012-01-18, 4:52 pm

هههههههه.انا منحرضش هذه قصة واقعية...وتوا هو راجل لما يضرب ويمد يده على زوجته...راضيين هكي..هي خذت حقها..وباهي ماحطته في المستشفى
منورين.جميعا على مروركم الرائع..
على فكرة اي وحدة تبي عنوان الابله هذه اتقولي بس.ومن عيوني Razz

قصه حقيقيه صارت في مدينة بنغازي

قصه حقيقيه صارت في مدينة بنغازي

رد: قصه حقيقيه صارت في مدينة بنغازي

رد: قصه حقيقيه صارت في مدينة بنغازي

رد: قصه حقيقيه صارت في مدينة بنغازي

رد: قصه حقيقيه صارت في مدينة بنغازي

رد: قصه حقيقيه صارت في مدينة بنغازي

رد: قصه حقيقيه صارت في مدينة بنغازي

رد: قصه حقيقيه صارت في مدينة بنغازي

رد: قصه حقيقيه صارت في مدينة بنغازي