قائمة باسماء المسؤولين الذين لم يتم تسوية الاموال التي استلم

هناك أسماء لم يكتب ما هى مناصبها حتى تستلم كل هذه الأموال كعهده ...

وبعدين يقولوا ما فيش فساد في المجلس الوطني والحكومة ...

أشكرك زهرة اللوتس على التغطية.

أنا أشك في أن هذه الأرقام قد تم تسويتها لأنها تخص قطاعات

ومناطق نائية في ليبيا وتكون قد صرفت في مكانها ولم تتم تسويها

في وقت سحب هذه الورقة من الملفات الرسمية ربما لغرض تشويه

سمعة بعض الناس الشرفاء .

غارقين لعند ذانهم في اموال الشعب الليبي ...
مشكوره زهره وبارك الله فيك

بسم الله
والصلاة والسلام على رسول الله
الى سيادة المستشار :تحية الاسلام وبعد :العهدة مالعهدة وماأدراك ما العهدة انها سبب خراب ليبيا وسبب الفساد فيها اسالوا امناء الشعبيات والكومونات وامناء اللجان الشعبية وامانة مؤتمر الشعب العام وغيرهم وغيرهم من اولاد الحرام احسن اختراع للخنبة والسرقة بدون ماتوصل للنيابة والقضاء وما ادراك ما القضاء خوذ الي تبي من خزينة الشعب بشرط تكون عهدة وسددها في وقتها وطبعا مفيش مشكلة في التسوية تعبة بسيطة لاول محل مواد بناء او مواد منزلية او محل معدنوس وسلك او او او او او وتاخذ الفيتورة بعد ماتعطي حويجة لله وعند جماعة الشعب المسلح قبل كانوا يسموا فيها نثرية مسكينة ليبيا ظاربها السرطان من كل تركينة والمشكلة ينادوا فيه ياحاج , وبجنب مكتبه دار نوم على بابها لامبة حمراء وصالون حلاقة ومكياج وقالك محدد يوم الخميس حاظر محمد وغايب بليس للمقابلات باش يحل مشاكل الناس وج تنا ثورة 17 فبراير باش تنحى هالعار انشالله تقدر على هالسرطان .
المطلوب باختصار لجنة من القضاة ورجال النيابة الشرفاء يحاسبوا هالجماعة على هالعهد المليارديرية والمليونية والحساب يوم الحساب يوم لاينفع مال ولا بنون واحنا الليبيين والله مانا مسامحين واحد كلى رزقنا وخنبه لا في الدنيا ولا في الاخرة ووالله كل من خذى درهم حرام نقوله ماهو سادك دواء وكيف يعطيك ضميرك ادخل عيالك نار جهنم بالمال الحرام واخيرا نقولك {المال الحرام من ورائك والسرطان ونار جهنم امامك } .[justify]

بسم الله
والصلاة والسلام على رسول الله
الى سيادة المستشار :تحية الاسلام وبعد :العهدة مالعهدة وماأدراك ما العهدة انها سبب خراب ليبيا وسبب الفساد فيها اسالوا امناء الشعبيات والكومونات وامناء اللجان الشعبية وامانة مؤتمر الشعب العام وغيرهم وغيرهم من اولاد الحرام احسن اختراع للخنبة والسرقة بدون ماتوصل للنيابة والقضاء وما ادراك ما القضاء خوذ الي تبي من خزينة الشعب بشرط تكون عهدة وسددها في وقتها وطبعا مفيش مشكلة في التسوية تعبة بسيطة لاول محل مواد بناء او مواد منزلية او محل معدنوس وسلك او او او او او وتاخذ الفيتورة بعد ماتعطي حويجة لله وعند جماعة الشعب المسلح قبل كانوا يسموا فيها نثرية مسكينة ليبيا ظاربها السرطان من كل تركينة والمشكلة ينادوا فيه ياحاج , وبجنب مكتبه دار نوم على بابها لامبة حمراء وصالون حلاقة ومكياج وقالك محدد يوم الخميس حاظر محمد وغايب بليس للمقابلات باش يحل مشاكل الناس وجتنا ثورة 17 فبراير باش تنحى هالعار انشالله تقدر على هالسرطان .
المطلوب باختصار لجنة من القضاة ورجال النيابة الشرفاء يحاسبوا هالجماعة على هالعهد المليارديرية والمليونية والحساب يوم الحساب يوم لاينفع مال ولا بنون واحنا الليبيين والله مانا مسامحين واحد كلى رزقنا وخنبه لا في الدنيا ولا في الاخرة ووالله كل من خذى درهم حرام نقوله ماهو سادك دواء وكيف يعطيك ضميرك ادخل عيالك نار جهنم بالمال الحرام واخيرا نقولك {المال الحرام من ورائك والسرطان ونار جهنم امامك } .[justify]

والله مفيش حد سرق ونهب مال الشعب الا ماينال جزاءه كان مش في الدنيا عند ربه.والي ياكل رزق الحرام مصير فلوسه ايكملهن على صحته وربي ياخذ الحق