تحدي العشاق (العاشق الصغير يتحدي )

تذكير بمساهمة فاتح الموضوع :



امابعد قد يستغرب الكثير من عناون الصفحه

هذا الموضوع هو حوار بين الاعضاء بشعر او غناوي علم او خاطره اللي في بالك  


تسئل علي حد اتهني حد تبي رد من حد

العاشق الصغير أيقول

أمرايف علي بنت بيش تشروها؟؟

مانعرفوها أمغير ع النت لنا طروها

أمرايف علي زول عين الهميلا ومالي دليلا

بعيد غوش ولا اقريب نزيلا

ومن اي وطن هي ومن اي عيله

وكي نسبوها أيش اسمها هي وايش اسم بوها

...............................................

لكن اللي نبوها من الاعضاء الكرام

انهم ايحاولو انهم اتكون من تاليفهم

مشكور خوي عبدالحفيظ علي المرور والمتابعه

صح لسانك ... وطول عمرك ... ويسلم قلمك
والحمد لله على سلامتك

مشكور خوي جمال وبارك الله فيك ماقسرت ديما تنشد والله ايسلمك

من العاشق الصغير الي فداليبيا

يافداليبيا يامدعيه خطيني راني العاشق ولد بوريا

خطيني غادي يامجشره ياأم العيون عوادي

أنتي م الحضور ونا مالبوادي من جيهت قندوله البحريه

وايش جابنا الها البرام الا عنادك ياملاطعيه

وهي قولت الشتاي ياحضريه

فيه اللي مايبي أيخطاني نين أنملح فيه الساني

يبقي أفهميها ولا دزيلي ع الخاص رسايل ولا تحكيلي

نا العاشق والتوقيع حليلي ونحط اللي أتوليني

وهذي موش كي قبل كي درتيلي

وخذيت لومت اللي جبتيلي راني متبري منك لاعد تحكيلي



يافدا ليبيا يامدعيه خطيني راني العاشق ولد بوريا

من العاشق الصغير الي ادارة المنتدي

لومي علي ليداره وع الكابتن اللي أعلي مقداره

لومي عليهم لكن مابو ايحركو من الحوايش ساكن

واللي امغيرا موضوعي لي الخلايق مايجي في طوعي

ليش مادزلي رساله غيره أتقول ايضل في ايضلاله

واللي وجعتني الكابتن مادز اللي والتني

لومي عليهم ديما نين نعرفا لضحك لا تبسيمه

وكان عادها هالكرا نا اللي منا انتبرا منتدي نا اللي عارف سرا



لومي علي ليداره وع الكابتن اللي اعلي مقداره

ربي يعطيك الصحه يا غالي

مشكـــــــــــــــــــــــــــــــ بواللافي ـــــــــــــور

علي المرور

من العاشق الصغير الي ادارة المنتدي

لومي علي ليداره وع الكابتن اللي أعلي مقداره

لومي عليهم لكن مابو ايحركو من الحوايش ساكن

واللي امغيرا موضوعي لي الخلايق مايجي في طوعي

ليش مادزلي رساله غيره أتقول ايضل في ايضلاله

واللي وجعتني الكابتن مادز اللي والتني

لومي عليهم ديما نين نعرفا لضحك لا تبسيمه

وكان عادها هالكرا نا اللي منا انتبرا منتدي نا اللي عارف سرا



لومي علي ليداره وع الكابتن اللي اعلي مقداره


بالك كي أنكررها ينعرف عناها؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

من العاشق الصغير الي محمد اللافي
جاني عيب ونا قدامك حتي كي عديت ملامك

نا اللي عديتا تصبايت أجواد ومارديتا
ونا اللي راجيت حقي ايضيع ماتمنيت
ومانريد ناخد انكان حكيت حقي اللي ضاع يالجواد
خدت لومتم العين نزيلا في أجلوتم عيت ارفاد

ابداع ياعاشق
عزيز ماعرفنا فيه الخير نين قسنا عازتا

مشكــــــــــــــــــــ سمر ليبيا ــــــــــــــــــــــوره

[من العاشق الصغير الي كل عشاق المازدا 323 سنفور ...سلفر ...
323تبقي جديدا ماتريد شي تعديل
تبقي أمعاك وحاشتك تقضيها حتي أنسافرت وعابي علي التطويل
ويبقي أمعاك رفيق وهو اللي قانيها أنس المقدي جميع الخصايل ماعليه أتخيل
وعليها دسكو وهو زاد أمحليها ومنظومه تشاكع عقاب الليل
ومنظومة الدم هي زاد لك نطريها أمعاها لا تذوق نوم ولا تقييل
وتحدر علي الجامعه وتكحل فيها والي تبرم عليها برمتين أتميل
وتقدر تزرد بيها مسمح الزرادي والعبو الثقيل
323نا اللي قانيها وحكيتلك ع الشكل والتفصيل

من العاشق الصغير الي زهرة اللوتس
أنشاء الله أبسلام أيجيك الغايب اللي شاغلك

ربي يحفها لكي يازهرة ويرجعها طيبه

مشكـــــــــــــــــــــ أستاذي سيف التميمي ــــــــــــــور
علي هذا المرور الطيب ومشكور وبارك الله فيك علي مااتحفتنا من شعر
فلكامني أطيب التحايا

من العاشق الصغير الي الاستاذ سيف التميمي

كان يوم جيت للمدينه وريت الرسول والصحابه

وصليت في مسجد نبينا ادعيلي امعاك بالك ادعاك ربنا يستجابه

ننسو الغني ويتوب خاطري من تجرنينه

وقول يارب اهناك مظلوم اوتخذ منه قرينه

وهو عليه دوم مشغول كي شغلت عجوز ولدها واخذينه

وقول يارب راه قاعد في شوق اما موت ولا جيبله قرينه

كان يوم جيت للمدينه وريت الرسول والصحابه

مشكــــــــــــــــــــــ شوفه ـــــــــــــــــور
علي المرور الطيبب

كل الشكر والتقدير إلي من شارك في هذا الموضوع

النون دون الباء الاول وهو من دون .. والغين على اليسار حدا الالف تڪون ..
والزين تسبق الياء اللى تنهيها..
هادي حروف اسماها ♥بنغازي♥ اللى عاشق نسيم هواها, وعاشق شجرها وليلها وسماها, وعاشق بحرها ورملها وشاطيها.. ياناشدين عليها ..

مشكــــــــــــ زهرتنا ــــــــــــــــــــوره
مشكوراخي الكريم علي المشاركه

يا عاشق نبي منك اترد على طلب من ولد يبي الجنة بجد او قال
ايسلم عليك اولدك او قالك يا يام سامحي
و صحيت و تسلم

السلام عليكم ورحمة الله وبركاته
أخي ابراهيم المغربي
بعد التحيه
لم افهم المطلوب هل هذا الابن يطلب السماح من أمه لانه يريد الشهاده اوانه بينه وبين امه عتاب ويريد السماح

اخي العاشق هدا كان في الحبس و لم يرى امة لسنوات و هدا ما استطاع ان يوصلة الى امة الحبيبة مشكور اخي على الاهتمام و اسف على التأخير

نبي سموحك يالحنونه ومرايف عليك أرياف ياما دونه
أنريد أدعاك تنفرج علي في كل أوقات
نهار أوداعك نهار أشتقنا فيه لضحكتك و أسماعك
يايام يالحنونه علمتيني ع الصدق وكره الخونه
يايام من ظلم أنسان محبوس بين أربع سيسان
يايام نبي أدعاك تنفرج ونقعد كيف عقاب ضناك

وسامحني ياخوي إبراهيم علي التاخير وهذا ماجاب عقلي

صحيت و يسلم عقلك