مسجات ليبية جديدة ، مسجات لكل الليبيين ، مسجات رائعة

من طرف **زهرة اللوتس** 2012-03-13, 3:00 pm

مسجات ليبية جديدة ، مسجات لكل الليبيين ، مسجات رائعة
لو شلتكم من البال نبقى ظالم يلي غلاكم بيه ربي عالم
***
مرايف عليك ملهوف كبدى ذايب اللى مستغربه كيف النفس موجود وانت غايب
***
تستاهل اللي ماقدرت نقوله وتستاهل نهديك قلبي بعرضه وطوله وتستاهل نهديك القمر لو قدرت نطوله وتستاهل تبقي بقلبي دوم بعد الله ورسوله
***
فى روح روحى جوة ... قدرك تمكن ما اتشيلة قوة ... مازلت غالى فى روح روحى جوة
***
سوده سوده بدت حياتي مظلمه وأيامها معدوده
يا غلاي في بعدك حياتي سوده سوده
***
الخاطر كان تمنى شى .. ايدوم غلاك وتسلم لى
***
لونخسرك في الحال ننسي ذاتي__ نبقي بلا مضمون طول حياتي
***
إيجيبك الله ياموت بدري بدري..أنكان من أعيون عزيز ينقص قدري
***
اللي ما يبكي تخنق فيه.. العبره من فقدت غاليه
***
الله ياعالي أتعليه علو النخل في جريده... يارب صونه وخليه يازايد العمر زيده
***
طبعي الوفا مازال راني وافي... لافيك نرضي العيب ولابالشينه أنكافي...
***
مش سوا عمره القمر ماتلحقه الوطا غلاك وغلا الاخرين مش سوا
***
طمن بالك
إنعزك ومانرضي عزيز بدالك واثق غلاك أرتاح طمن بالك
***
ماقصرت.. كبير في عيني وزدت كبرت وفي صحبتي بك نقدر أنقول الزين أخترت
***
ماعاد عندي صبر تميت نرجي في الكفن والقبر من ضيق خاطري
***
فاير فوره دمي على شوفت جميل الصوره****** قسته لقيت الضغط فاير فوره
***
البحر لو جابوله خبير و قاسه ما يجي جنب غلاك حتى طاسه
***
أرفع سلامي ياسحاب أحكيله أشتاق خاطري ومالقيت كيف نمشيله
***
حاضر ايقولولك ... القلب و العقل و الروح عبيد ينصاعولك
انت بس تأمر و هم حاضر ايقولولك
***
جن اجنوني غايب عليا الزين ضي عيوني ساحرني غلاه جن اجنوني
***
يقسم ونحطه في عيوني هلي في شانه كرهوني.
***
كلمة حق عليا احسبها قدرك عالعين وحاجبها
خون الرفقه ما نعرفو محال و طعن الحبيب في الضهر مهو لينا
احنه اتربينه علي مبدا الجدود ابطال هم غابو واحنه وراهم جينه
***
,,,لحظه راجي ..
. مسجون في قلبك انريد افراجي يلي خديت العقل
,,, لحظه راجي
***
تحزمت بك وانت رخيت احزامي ** في عز العطش بيرك نزح قدامي
***
سكر وكيف العسل عشرتكم
يلي هاتفي مايصبر بلا رنتكم
***
خود بيدي ارميني على مرساك قبل مااتعدي راني غريق غلاك
غريق ابحورك مشتاقلك جوال ماشي شورك لي عقل مايزهى الا بحضورك ان غبت يبقى
في شقى متكدي
***
القلب لك ينادي والروح بعدك سراب كل الوجوه تغيب عادي وأنت غيابك عذاب
***
غالي سومك... يا عوين من هبت عليه أنسومك... مثيل الذهب فالسوم غالي سومك
***
عليك مرايف ....حتي وأنت متكبر وروحك شايف.... نشهد بالله اني عليك مرايف
***
تعال أجبدها *** شوف اكبيدتي على نار الغلا صاهدها ** تريد شوفتك
***
ما نقولها غير ليكم .. يلي خذيتو الروح بين ايديكم .. كلمة غوالي .. مانقولها غير ليكم
***
ما شئ من سيرتكم .. ما زال باقي غير المواجع ما غفت .
كان الوفاء شيمتكم .. صار الفراق بدالكم عيني جفت .
ما تقول كنتوا غاليين علية .. و شهد المحبة الزاهرة النقية .
شمعة وحيدة في خلاء مطوية .. في ليل دامس ما إنطفت
***
مرات تبدا قرش ماتكسابه¤ ومرات تبدا القرش تلعب بيه¤ ومرات تسكن في بيوت خرابه¤ومرات تبني قصر وتعليه¤ومرات كيف الزرع تبدا صابه¤ومرات قش الريح تنفخ فيه¤وفيسع يمر العمر شن تحسابه¤تنزل تجي للقبر وتسكن فيه¤وخليك ديما شخص ليه مهابه¤وهلي بعد عالدين ماتماريه ¤وتبع نيبنا كون كيف اصحابه¤وراجع كتاب الله واقرا فيه
***
قمرومن حقك تدلل...وفيك البحريتغزل...مشتاق والله ياغالي ومن غير شوفتك مانقبل
***
ماعاد شافت شى فى غيبتك قصو عليها الضئ العين ظلمت ماعاد شافت شئ
***
امعاكم عقلي عايش رسمي غير اسماه مسجل باسمي
***
رسالة شوق ابرمجهاوبعودالمسك اتوجها وبخيط الفل ازينها ولك مخصوص انسجها وللغالين على قلبي بس امسجها
***
يقول عيني شالت فيك نضرها ما تقهرها دز جنيه اجبر خطرها
***
يارفيق عيونى انصونه غلاك ونحرسه بجفونى ومايوم ترخص يارفيق عيونى
***
كيف بكيف...قبل الربيع موالفك عالصيف.. الخاطر يميل معاك كيف بكيف
***
لا مال دنيا ولا ذهب يغنيني أمغير شوفتك وسط الحياه تكفيني
***
مانريد ازعاجك امغير انجبرت وخاااطري محتاجك رنيت لاكن مانريد ازعاجك
***
عزامي رقن...وين قاللهن عزيز بخير تبقن...لنظار مابكن..لكن عزامي رقن
***
الله يسامحك ياوقت فى مفعولك بعدتهم على العين شن دارولك
***
كيف عهدك بي لا خاب ضنك لا تغير شيئ مازلت وافي كيف ماعارفني مازال موجك والغلا جارفني
***
داير عليك كبيدة قلبي بلا حسك يجف وريده الله لا يغيبك
***
نرجا في ناس امصوقرهم...ياقسمي راك اتودرهم
***
لو يبعثوا بدل الرسايل دم * نفتح وريدي ليك لين ايتم* ويرتاح خاطري
***
شكرا هلبه هلبه يلي كلامك بياخد علينا الغلبه شكرا علي تعبك كثير وهلبه
***
لك متاسف @ عيبي امعاك كبير ما ايتوصف @ اسمحلي اخطيت امعاك
***
سلام دافي مبعوث مع حنين أريافي للناس الغالية يلى بالود اتكافي
***
يا قاتلها في جرتك عيني أتعادي هلها غير تشبحك وتجيك يا قاتلها
***
مازلت ناهولول .. تابث علي مبداي مافيوم انحول .. عاشق سريبهن ومازلت ناهولول
***
يابريوشه\\\\حبك ضرب قلبي ناشه نوشه \يرقص ويغني داير دوشه\ مولع نار غلاه زي الكوشه\ كيف انحوشه وهو خطف قلبي وداره حوشه
***
عندي عادي قلت هناي وعوزتي لرقادي ....
مدام العزيز ابخير
***
هيهات تلقى كيفي وهيهات تلقى ذرع يكسر سيفي بلا مفخرة ...
هيهات تلقى غالي وهيهات تلقى في الغرام بدالي
وهيهات تلقى كيف زولي والي وهيهات تلقى كتف كيف اكتيفي وهيهات
هيهات كيفي تلقى وهيهات كيفي تنسجم في ملقى
وهيهات كيفي في الغرام بتشقى وهيهات كيف كيفك يكيف كيفي ....وهيهات
***
يعلم الله بشوقي ويعلم بلاكم حايسات خلوقي يلي غلاكم فات كل حدودي
***
كان المحبة عيب هذا عيبي ,,,,,, سوا نعيش وإلا نموت راك حبيبي
***
لوكان فى الكتاب حلال
انشدو عزيز وناكلوه ايكال ................من كتر الغلا
***
خارج نطاق الصوب عزيز اليوم لارنة ولامكتوب عليه ننشدوا
***
خارج نطاق المحنة حبيب فاتنا ولاحتي رنة الخاطر زعلان منه وفبه اندوروا
***
الله ينورهم..ناس غريق بحرهم..لوغابوا علي نغطس وندورهم
***
طيب نومك ** نا هو اللي نسهر انشيل همومك ** خللي السهر عنك و طيب نومك
***
هك و هك عزيز قلبها ** كبدي عالنار و سيبها
***
نار عزيز في كبدي جوا ** سابع جار عليها سوا
***
من غيبة لولاف علينا ** هابا ياما صاير فينا
**************
خايف يا العزيز انضمك ** تطرطش نوحل في لمك
**************
الخاطر حالف ما ينساه ** عزيز غلاه غلا نازل من عند الله
***
يا صاحبي صعبت عليا العيشة
محصور راهو خاطري في شيشة
صعبت عليا وخابت ** شاقي وراء الايام كبدي دابت راحت الشرهة والزهاوي غابت
ومهناش غير الكدر والتغشيشة ** وجابت الدنيا العافنة ما جابت
وثقلة حمولي بعد كانت ريشة
***
ريت البخت ياصاحب عطيب وزاد الوقت بهمومه قساء
خلانى إنجول فى وطنى غريب إمفيت الدمع مارينا زها
إرضيت إرضيت بالنصيب إمغير الجرح تسطيره قوا
صرخت معاه ومالقيت الطبيب وعمر السم ماتما دواء .
***
شكا من ظلمك .. الخاطر بكا واجد إيكون فعلمك مشتاق ومكابر .
***
تبكى معاى العمر لونشكيلك على جرح جارحنى صعيب دواه
وإن عندك مشاكل قولى نبكيلك خبير فى البكاء عايش العمر إمعاه
وإن عندك سوايا يقسمن فى ليلك فعقلى أمواجع عايشات إمعاه
***
كيف ينام من فاقد غوالى نوم الليل يبى عقل خالى
طار منامه العقل سارح كاثرات أوهامه
وإللى فضل فوق الفراش جهامه أعزاز صوبهم مازال شاغل بالى
والعمر عدا فايتات أيامه ويـــــــــــــــــــــــاخوف من فاقد عزيز وغالى .
***
كسر الخواطر كيف بداويه ,,ماله في هالدنيا دواء يبريه
مهما يكون على النفس تكسير العضام يهون
وكسرة الخاطر طعن في المكنون تحبس الدمعة تخنقك بالعبره
***
ماتجافيهن..اشربلهن ريدبول طير وعدى بيهن . .لانظار يالعزيز..ماتجافيهن.
والرد اللي عليها:
ماني جافي..والريدبول ما يطفي لهيب اريافي..وحق الغلا انجيكم ومانى جافى
***
كسرة الخاطر والحياة المرمادة ** تشيب صغير السن قبل انداده
***
هالوقت بعض الناس ما تضمنها ** سلم سلام وحضن ما تحضنها
عرب خداعة ** في جرة مصالح كلها تباعه
رفيقك يخونك بين ساعه وساعه
وكل حد يكذب حاجتها يحصلها
وماعاد تلقي للنفوس قناعة
واحترت كيف الناس بنعاملها

من طرف pure heart 2012-03-13, 3:21 pm

ناس اعزاز ثقيل ثمنهم ** ربي ما يحرمني منهم

من طرف pure heart 2012-03-13, 3:28 pm

ر فيـــــــــــــــــــــــــــــــ اعيوني ــــــــــــــــــــــــــــــــــق
انصــــــــــــــــونه غـــــــــــــــــلاك و نحرسه بعـــــــيوني
و ما يــــــــــــــــوم ترخـــــــــــــــــــص يارفــــيق اعيوني

من طرف **زهرة اللوتس** 2012-03-13, 3:35 pm

كسر الخواطر كيف بداويه ,,ماله في هالدنيا دواء يبريه
مهما يكون على النفس تكسير العضام يهون
وكسرة الخاطر طعن في المكنون تحبس الدمعة تخنقك بالعبره

من طرف pure heart 2012-03-13, 3:43 pm

شاري المعــــــزة منك .. انودك صــــــحيح و ما نخـــيب ظنك ..
و شاري ربيع ارضـاك .. لا نزعلك و لا نطيق طــــول جفاك ..
انسلم عليك بشوق كي نلقاك .. و كي تغيب نرسلك وننشد عنك ..

من طرف **زهرة اللوتس** 2012-03-13, 3:51 pm

ريت البخت ياصاحب عطيب وزاد الوقت بهمومه قساء
خلانى إنجول فى وطنى غريب إمفيت الدمع مارينا زها
إرضيت إرضيت بالنصيب إمغير الجرح تسطيره قوا
صرخت معاه ومالقيت الطبيب وعمر السم ماتما دواء .