يامرايفه للدار** اتحيدى اريافك مالقيت عذار** انشيلك ابهن

من طرف **العاشق الصغير** 2012-08-20, 11:50 pm

يامرايفه للدار** اتحيدى اريافك مالقيت عذار** انشيلك ابهن

*****

ياامريفه ع التمه ** اودمعك عليها فايض جمه

وين تنظرا باللى ابهم تسمه ** اتحوس محاس الجبح ع البخار

هيالك ان ذارى اكبــار الهمه ** فيها اونـــــا جاحد عليك اسرار

وتفتشى خلـــى العيب امغمه ** اوخلى عللنا بينــــــــــــا باقدار

الناس فى المسامى يقبلو فى الذمه ** اوعندك على ايمين ماتذكار

الهم ينطرا فيها اوكانهو تمه ** فيها الهن لنا شقا وامرار

اوللقايس الابوعين هلعه حمه ** فيه الدهر مادار فينا دار

*****

ياامريفه ذكراهم ** لاعاد اتجيبى وين ماننساهم

ايام الوفا باقدار باذلناهم ** اودرناهم على جملة الناس اميار

اوديمه امعاهم طايعين ارياهم ** حتى وهن ارياهم عكس لستوبار

نين من تراحيل الرحيل وراهم ** اوحل ثلبنا فى شيل حمل احوار

اوين ابمشاكى ناس عاتبناهم ** التويو اوجابو وهيات عذار

وابقينا بعد قابل جهير انياهم ** اثنين كلا حد منا طريق اختار

اولا انعاتبو والى سعا مسعاهم ** كل حى عندا فى الحيا مسار

اومقصد عللنا انبينو للواهم ** فلى بينا بيش فيه مايحتار

اولا انعاتبو نبواعتاب امعاهم ** اولا انحاقرو نرضو طريق احقار

ايهابو دنانا كيف ماهبناهم ** تدويسنا البعضنا ف المجالس عار

*****

ياامريفه وادينا ** عليه اوعللى يفرحو كى جينا

ايفزو طرابا يذبحو السمينا ** اويبقن سهارى لابعد لفجار

اياما اوهو رسن العلل فى دينا ** واياما اولنا فى الفريق اكبار

واليوم انتهت من طروهم فكينا ** بريت عليهم عامرت لنهار

وانجينا بعدهم م المجابى جينا ** أبصرت مواجع مالهن فسار

امغير كيف من بيدا طرفه عينا ** شكيتك منللى فيك يأخذ ثار

اومامن سوايا للخلا دسينا ** ابهن يغلظن جفنا اكبود اصغار

*****

يامرايفه مربانا ** عليه اوعللى عرفين هوانا

اولا من طرفهم عيب عمره جانا ** لايدشعو لايعرفو المغار

لامن زنايق طردو رعيانا ** سعى الخلايل لاعمو لابيار

لاحرقو قش إبنار لاعمدانا ** طقو شبردق ع الطريق المار

هاذول هلك يااللى مااطفى عثانا** منشابك غبتى على لفكار

هاذول هل جمايل سابقات امعانا** ايام والجمايل فى العرب تندار

اوهاذول جدهم فى الوطن عالى شانا** ايام طاليا فارس زعيم ادوار

اوهاذول همللى سابو اوهام احذانا** فيهن عليهم ناصبين الطار

اولكن اقصور العز كالجبانا** انتمن البوم ايديرهن موكار

ياامرايفه ماسبلا ** القيته ابها انشيلك اتزفى طبله

ليلك اوتبقى ابدوسن مندبلا ** امعاك الفزايع لابسات غيار

على من اصعب دنو اتناقض حبلا ** اولطن قساميه اوياسا صار

ربيعه اللى ناير لفتلا ذبلا ** ابنفه الصبح طافى النوار

باليوم 15 حول له نحسبلا ** خطاه الخصيمه ماايفيد اكيار

ازويل من على غره مشافرنبلا ** كبدى انشرنها للوميد اصدار

اومو امغير حملا شلتن من قبلا ** احمول اوصلايب عالعبار اعبار

اوصاحب السعد مرتاح وتحطبلا ** الريح المكون عالشقا دوار

*****

ياامريفه وين الخيام *** عولى أوتى اوتانا

شور ايش دور العزام *** شبا خلو لوهام جانا

لفا ضيف واطلق ســلام *** اوغونن اوقمعز امعانا

اوجم اوفاظن اجمـــــام *** ادموع مانطق شى السانا

نبرهن اوشد العــــزام *** تنهت امع قول يانا

عرفته ايريد الكــــلام *** امغير هاب قيسا شقانا

نشدته حكا قال تعلام *** امواهيم هلها افلانا

لانجع داير احــــــــــــزام *** كى قبل مونس اركانا

انظوره ايجللى الغمـــام *** شرقى ابلغر انزلانا

اولاعــــــاد تسمع افطام *** ايرق العزوم اضبحانا

اولا بين عصر اوظـــــــلام *** نسمع ضبيحا اغذانا

اولا ضيف لافيـــــــه عزام *** الا فيه وان الفوانا

توارن اوجــــــــوه لكرام *** بنايت الواسع اركانا

العالى فسيح المقـــــــام *** عللهم طويل اسربانا

ايدوم ربنـــا شى مادام *** خلا شين تمت الحانا

من جـور وقت شين هدام *** اوفيه يبرمن ريدحانا

ليام عاكسن ريت ليام *** اوهدن احيول المتانا

اوخاليات خلن اوهــــــــام *** هلنا اوهلها امنانا

اوين يخطرو يااللــــوام *** لاتلومنا فى ابكانا

اوين يخطرو ياالخـــرام *** لاتجيب سبة خطانا

المريب مثيل المنـــــــام *** اللى بعده مانوم جانا

صبرنا اوقلنا اقسام ** ردمنه النار ** اودرنا اعزوم جابنهم اخبار

يامرايفه للدار** اتحيدى اريافك مالقيت عذار** انشيلك ابهن

م ن ق و ل