ذايب من بنت الليبيه......كل عشيه......تخطر ويذرف ماقيه

ذايب من بنت الليبيه......كل عشيه......تخطر ويذرف ماقيه


ذايب من بنت الاجواد.....ولى ميعاد........اخطورك دايرلى صهاد

نار ومن نارك منكاد......عليك ابنيه.......خفت عقل عوض بوعطيه


ذايب من بنت الليبيه


ذايب يا ناس وشعار........ وليل نهار........ انوصف ما عقبت اسرار

على خدك والدور غمار......وعين رزيه........نذيبل كى تخزر فيه

جمالك سبحان الصـــور......ولك مخفيه........نار غلا خشت ع الريه


هابا من بنت الليبيه


ذبنا يا حاسى وغرغور.......وكام منشور.......على وصف الحاجب والدور

لا لانت لانى مشكور.........ولاعاد فيه........عزم على سود امياميه


هابا من بنت الليبيه


هابا يا حسنا وحرير.......اليوم خطير......غلا عقلى دمر تدمير

شكيت لكم من خوف ايسير.......افراق الغيه........نمشى لمراض العقليه


هايتولى بنت الليبيه


هايتولى سمح التصويره......مالى غيره.......يبرى كل امراض خطيره

كان طرو ولا ع السيره........عين بهيه......... نقفز م الرقده الرديه


ذبنا من بنت الليبيه

تسلم اخى ستار

يعطيك العافية للمرور