يا نا اللى مرزى دكنونى

يا نا اللى مرزى دكنونى.........صايف لونى.......ملى مشيتها فصعونى
يا نا اللى مرزى م الغالى.......هضا حالى .......نبكى يانارى طوالى
من عيت امجديت الخالى......فى مكنونى.........نار امفيت الله فى عونى
يلطف نين انطول غوالى......ويلاقونى............كى قبل وتالى يرعونى
يا نا اللى مرزى م الغيه ............فى رزيه..........من فرقا سود امياميه
عيــن اللـى ناكـر داعيـه.............به هاسونى.......ونعنها للى احبسونى
يلقــــوها يــــــوم البعثيه.............من ضرونى.......فى مول الحطه داعونى
بو جبنون اتقـــول ضويه...........نا خلونى............ نمسك فى العبره بسنون
يانا اللى مرزى متـردى........ واصل حدى........... ملى فارح راح بودى
فرقــــا بو بزون امكدى..........سمح اللونى..........نا من غيره لا تطرونى
يانا اللى مرزى بفراقه.......بو علاقه...........عين اللى جازى ابعناقه
مـــــول الخد كما براقه.......بين امزونى .......لولا قنع ضر اعيونى
بارق فى موكار الناقه.......منه جونى...........رواد وناس ايعزونى
يانا اللى مرزى بشواقـــــــــه...........بو مجدول اطوال ثنايــــه
خزرت عين ارقيق ساقـــــــه...........مول للخد اتقول امرايــــه
تمــا دايـرلى سراقـــــــــــــــه...........بخطوره وان التغفايــــــه
نوعه ونواعى الرفاقـــــــــــه...........يالاهم داير حوحايـــــــــه
من بوخد كمـــا براقـــــــــــــه...........شكع تحت اصيام حطايـه
تحته فيه اوطــان غراقــــــــه...........ما من دير وجوف ملايـــه
خطــــرها خد العواقـــــــــــــه...........والخد اللى دار امعايـــــــه
نـار وكبدى كــى العلاقـــــــــه...........هلى فوق كمين اشوايـــه
من بودور عليه الصاقـــــــــه...........ضلم فوق ضمير امنايــــه
كـى ضلمت عيت النقنـــاقــــه...........وين اتعش على السقايــه
فوق مناهلهـــــا تواقــــــــــــه...........عند البير اتبان روايــــــــــه
ولا يوم نهـــار املاقـــــــــــــه...........ملقا هلها والغزايــــــــــــه
يومــا فيه الخيـــل شراقـــــــه...........ماملى جيده شلايــــــــــه
خطـــرهـــا دور العشاقـــــــــه...........ماح تكسا ع الفلايـــــــــــه
هضـــا وصف الخاطـر ساقـــه..........شور الماضى وام حوايـــــه
غـالـب نـا ولـــى طقـاقــــــــــه...........فى وصف ام اعيون سهايـه
يلـــــى خـدك فــى متواقــــــــه...........كى القمر قبل التعلايــــــــه
كــى القمــر فــى وان اشراقه...........ولا شمس اغروب لوايـــــــه
واخذ عقلـــى من مــــوثاقـــــه..........عين الحايم ع الجلايـــــــــــه
ديمــــه نجبــد فــــى مشداقــــه..........زول عزيز سبايب دايـــــــــــه
مــــانــــى حامل نار افراقــــــه.,........فيت الله ايجيب اهدايـــــــــه
واحــــــل فــى عينــى الزماقــه.........طماعه فى ناس غنايـــــــــه
تبكـــــى لا ديمــــه فقفـــاقــــــه.........ع المرهونى..........تذرف حالتها بالهونى