يابو رحيل رحيله ... توارا علي عيني ونا نوميله مبروم الخجل

من طرف سمر ليبيا 2013-04-09, 12:46 am

يابو رحيل رحيله ... توارا علي عيني ونا

نوميله .... مبروم الخجل

يا بورحيل امنايا ... القيت النجا في اسمه

اسباب نجايا ...انريد نقربه ماعاد عندي

حيله
يا بو رحيل ؟؟؟؟؟؟ ......اللي بأسمها اتزيد

الحياه جمال ...تباعد علي تميت غير

خيال...واخذ العقل امعاه وان الشيله

ونا..طالب الله ايرجعه في الحال ....

وتزهى حياتي امعاه و انغنيله

يا بورحيل تعللا ....مع وطن عز المال

رامز كله....ولا اتبان فيه الضاله مختله

ولااللي هلها من بنات اكحيله ...فيه القطا

عاشر اوفيه الغله وفيه الطبيعه زاهيه او

جميله ...وفي قرع قارن بالشراب املا

يهلب الحول وما نزح تبيله ...هاناك حط فريق سمح الطله .... الخايل اللي مسع

القيت مثيله ....توارا علي اوما شفالي

غله ابكايا عليه وما بيدي حيله ...وما زلت

قاعد ننتظر لعلا كنيب بينا يجعل الله وسيله

يابورحيل هلبني ...تباعد وفيه الموح ما

غيهبني ...ولاقلت في دار الجفا سيبني

ولاسع من ياسه طلبت القيله ....ما زلت

نلغب فيه كان اقربني ... ومازلت نومي

بالعصاه الطويله ...ومازلت من العاشقين

احسبيني... وما زلت نطري و الطرى

نسغيله ....حتى كان تتبيع الهوا تعبني

حبيي جنس حوا ما انريد بديله من خانه

اصحاب اللوم ما تشطبني امفيت ها الفكر

اتسيرله تبديله

يا بورحيل ازاحا ....اومابا غلاه ايروج من

مطراحا...الخايل اللي كيف الحليب صباحا

ايجي وقت مو هذا ونا وافيله ...وانت من

اللي عندك اسلوب صراحه وصاحب

ولازم صاحبك تشكيله ...انريدك اتمقل

والصراحه راحه ....كان هو كلامي هذا

فيه اقويله ...ان ما هذا ضمد عقاب

اجراحا ..... واوطا علي عقلك وسيب

سبيله ....من يوما العون املاطشات

ارياحه..... واللي اتلاطش ما اتجيب

حصيله ..... ما فيك ما قذر ودار

مناحه ...وسمر العين التايه الهذيله

يا بو رحيل اشهاده .... بدموع الوفا تبكي

ومانك راده...لو حظرت ساعه جيت

الرواده ....وتقشيعت ارمام البيت يوم

الشيله .... وتشويمه الراحل عالمقيم

مكاده ...يابال جاروللمقيم عزيله ... وجت

جيتي من جمله السقاده ....امنين ما عزم

نجعه عالتقبيله ...عمد وطن كاسيه النبات

رشاده ....بهارير داير يعجبك

تشكيله ...وعاد بوخجل صابغ سواد

هماده ...دوبين يسرق في النظر

صاحيله ...ونا زاد من كثره اللي نقاده

امطوبس اوطاريلي اللي طاريله.

يابورحيل ابشوقي ..... مشا وين ما نمن

معاه اعروقي ...رحيله تراقس في البساط

الفوقي...تموح او ماجتني عليه دليله.....

ونا هنا ضايقات اخلوقي ...وسمر منامي

ما اخطيني ليله .... ابقول يابعيد

الدارضابح سوقي....دمعي نهار او ليل

سايل سيله...اوما ايسالني بسوال شوى

بوقي .... ونا قاصرات اخطاي نا نمشيله

او كان هو صغى يا سامعين احقوقي ننسى

عزيز ونوكل عليه وكيله
منقول