ابداع الشعراء ..

راس بيت للشاعر مهدي بشير التمامي ايقول فيه:_
فيه المهاجي هاجا...خذا العلو لاعد العشم لا راجا...رحيل قسمهم
***************
رديت عليه جمعة بوخبينه ايقول :
عزم عالشيله...وهاجا المهاجي في عقاب رحيله
قسم الغوالي غير مالي حيله...والجرح وين ما يكبر صعيب اعلاجا
ونا زاد جرحي ماعطاني قيله...امنقد عليه ادقول صاحب حاجا
عليك وانت غابي بين يوم وليله...اللي اتقول ما تشقا ابها اتفاجا
***************
فيه المهاجي نابا...وين زدم عالشيل لف عقابا
رحيل قسمهم جبا ونا في بابا...انمامي عليه ودمعتي قجاجه
يبقا نصيب الغير ما نحسابه...نين فاهقه نسمر امعا وجاجا
ابقيت كما من فاقد حنان حبابا...عليه وين ما هفو نصبت اطباجا
***************
فيه المهاجي قذر...وقال اقعدو فالدار مو متعذر
لا تعرفه ناضر وفي ايحذر...ولا تعرفه شامت وفيه مراجا
ونا ابقيت مالصدمه ادقول امخذر...اللي البنج ناخذ فيه من بناجا
العمر كمل والدمع فيه انبذر...كيف البحر يقوي دليف امواجا
****************
رحل من داره...وهاجا لمهاجي فيه نين تواره
رحيل قسمهم ونا اشربت امراره...بعد امهاوده صعبن علي ابراجا
اخساره بعدها ما اهناك اخساره...ادردر اللي ما عمر ضاق ملاجا
يا بال من كيفي وطا في ناره...وداجيت فيه غير ما يداجا
****************
وين تكفا...رحيل قسمهم هاجا عليه ولفا
سواق غبر اموالف هذيك الدفا...ياما مشا فيها وياما قاجا
واللي قابله مشوار جا يشفا...طرا قوت شال فيه حجاجا
نوارت العفا منك الياس قطفا...وكاس المر اسقاك من مجماجا
****************
برم ريته...وهاجا لمهاجي وين صدر نيته
فيه وجريت وراه ما طقيته...جنح جنحت الدشاع وان اهواجا
شال وبتل والريح متكفيته...واللي بينا صارت لها نعوجا
نكذب عليك انكان قلت انسيته...والا فيه طامع بعد هالمراج