ياريتني مجنون ...............

من طرف الجاظي 2010-03-15, 2:41 pm

اعذروني على هذا النوع من الشعر قديكون غريباً بعض الشيْ
ولكن وجدت نفسي دائماً معرض الى اللوم عند اقل تقصير
بقصد اوبغير قصد في الحياه الاجتماعيه مما سبب بعض الجفاء
مع الاصدقاء احياناً والاقارب فقلت في نفسي من الذي لايحاسب
على كل كبيرة او صغيره الا المجنون .
فتمنيت ان اكون مجنوناًحتى لااحاسب على اصغر الاشياء
فقلت هذه الابيات وبعثتها الى احد الاصدقاء واردت ان اخذ
رأيكم فيها ...... تقول الابيات:
ياريتني مجنون مرفوع القلم عني ابها ممنون لاغيظ لاغرض

ياريتني مكلوب لاعقل عندي لاعلي اذنـــــــــــــوب
امعا شين منظرتي اوشين الثـــــــوب امغير انتقلب كل يوم ابلــــــــــــون
مرات انتخيل فوق من مركـــــــــوب راكب او طاير في فساحة كــــــون
او مرات فالسهاري انكلمك باسلــوب اتقول هذا متخطي اما مسكــــــــون

ياريتني مجنـــــــــــــــــــــــــون .......................................

ياريتني سوقات اويا ريتني لاعقل لابــــــــــــــارات
اندور في اسيابي وين نمسى انبــــات لاشغل سر وراي لاواشــــــــــــون
ولا عرب نعرفهم ولا انسابـــــــــــات لا بعيد يقربلي اولا مـــــــــــن دون

ياريتني مجنـــــــــــــــــــــــــون .......................................

ياريتني مريوح لا مشغله لاشغل غير انـــــــــــذوح
نسقد لراس اجدير من مطـــــــــــروح ما ايهمني وايش ما ايكون ايكــــون
اوقات بالغنا واوقات نبقى انــــــــــوح او نقبص شكيكه انخش في اشكـبون
ولا ني امهلب لا عزا لاافـــــــــــروح اوكالي او شربي امصوقره مضمون

ياريتني مجنـــــــــــــــــــــــــون .......................................

ياريت مو متعلم او ياريتني جاهل او ديمه امفلــــــم
او ياريت لا انسهري اولا انتكلـــــــــم او كاره الدوج اوما انجيه الجــون
او ياريتني اصمامه امغير امبلــــــــــم ايقولوا علي انويرتي بالهــــــــــون

ياريتني مجنـــــــــــــــــــــــــون .......................................

ياريتني متبصر واطرش اوحاطي فالفراش امكســـر
هذي خير من عيشة حياة اتغصــــــــــر حقى الليل ما تغمض امعاه اجفـون
امعيشه اتهد العمر فيه اتقصـــــــــــــــر ابناس عايشه نهبه او ملي ابطــون

ياريتني مجنـــــــــــــــــــــــــون .......................................

وينما ايزيد هدادي انقول عيشتي ياريت عشت افرادي
مقطوع جذر لا في احضور لافي ابوادي عايش خويل او منسبي مدفـــــــون
انما درت صاحب ما سفيه انعـــــــــــادي لا ايجيبني لاعرف لاقانـــــــــــون

ياريتني مجنـــــــــــــــــــــــــون .......................................

الصبر عندي طال اوما عاد القيت لصبر وسعت بــال
وعارف المتصنت ايقول اهبـــــــــــــــال عليك غيرهونها اساع اتهـــــــون
نين الشراب ايجيك في لمثـــــــــــــــــــال عيش بالمنا عالقول ياكمـــــــــون
ونحمد الله راضي ابكل احـــــــــــــــــوال امغير العلل تنفيس عالمكنـــــــون

ياريتني مجنـــــــــــــــــــــــــون .......................................

مرفوع القلم عني ابها ممنون لاغيظ لاغرض ياريتني مجنـــــــــــــــــــــــــون
(( واسليمتكم ........ الجاظي ))