سجل للحضور والغياب للاعضاء الغاليين..

السلام عليكم ورحمة الله وبركاته

انا خطرتلي فكرة السجل لتسجيل الغياب والحضور

يعني كل عضو تحصله ظروف تمنعه من الحضور للمنتدى

ايجي وايسجل انه بيغيب مدة؟؟؟؟ عن المنتدى

على شان انكونوا مطمنين عليه ونعرفوا سبب غيابه

او عضو ايكون متغيب له فترة وايجي وينور المنتدى حتى هو يدخل وايسجل انه حضر للمنتدى على شان يتسنى للاعضاء الترحيب بيه

اي ظرف يواجه اي عضو

سفر- عمل - دراسة - مرض لاسمح الله- فرح - اي مناسبة او ظرف يواجه اي عضو

لازم ايسجل عندنا سبب غيابه

بمثابة اذن او اجازة من المنتدى

هذه الفكرة خطرتلي على شان انكونوا على علم بظروف كل عضو وانكونوا مطمنين على جميع افراد اسرتنا الرفادية

توا اللي فات كله فكرة موضوع لو رفضتم او ماقدرتوش انكم اتنفذولي الاقتراح اللي مازال ماذكرته نبي تثبيت للموضوع بيش ايكون هو سجل حضور وغياب للاعضاء

والاقتراح امتاعي هو :-

انه ايكون فيه قسم فرعي داخل قسم الترحيب والتهاني

ويكون اسمه سجل حضور وغياب الاعضاء

لو تعذر تنفيذ هذا الاقتراح ارجو نقل هذا الموضوع الى قسم الترحيب والتهاني وتثبيته

بيش يقدروا الاعضاء انهم ايسجلوا حضورهم وغيابهم فيه

واسفةكاني ثقلت عليكم بطلباتي

لكن اللي ايهمني هو راحة الاعضاء

وتوفير كل مايلزم للالمام بكل الامور الكبيرة والصغيرة داخل المنتدى الغالي

مشكورين

للادارة الكريمة

موضوعك موجود مسبقاً من طرف بوفرقة ومتبت.... او انا لم افهم

كلامك مزبوط يا رؤوف
مكرر وتقريبا صاحب الفكره بوفرقه
وما ادارك ما بوفرقه في المكرر هههههههه\
وخاصه الموضوع له هوا ههههههههههه
ارجي نين يوعا بس ويشوف الموضوع ههههههههههههههههههههههههههههههههههههه

اهلا برؤوف ومحمد

الموضوع الموجود من طرف الكابتن او بوفرقة هو الاسفسار عن الاعضاء الغايبين

اما فكرتي انا هي

ان العضو نفسه قبل مايغيب عن المنتدى ايجي ويكتب انه بيغيب مدة كذا وكذا للسبب كذا وكذا

يعني كأنه بياخذ اجازة او اذن

وكذلك العضو اللي يرجع من بعد انقطاع عن المنتدى ايجي ويكتب انه كان غايب مدة كذا وكذا وللسبب كذا وكذا بمثابة اعتذار عن الغياب

يعني كل عضو هو يسجل بنفسه حضوره وغيابه

مش ايغيب ونقعدوا احني خايفين عليه وانفكروا خيره غايب ومنقطع ونقعدوا نسألوا عنه ومرات نلقوا من ايطمنا عنه ومرات مانلقوش حد يعرف عن اخباره اي شئ

لان فيه اعضاء واولهم انا مش من المنطقة الرفادية اي التميمي

ولو حصلي ظرف وقررت الغياب او الانقطاع مستحيل فيه حد منكم بيعرف عني اي معلومة سواء كانت كبيرة او صغيرة لان مافيش حد منكم يعرفني انا من وين او ظروفي ايش صح والا غلط يااعضاء؟؟؟

ان شاء لله اتكون فكرتي وصلت وافهمتوا قصدي

مشكورين

عارف والله عارف قصدك اختي دلع ونفس فكرتك موجوده خليني اندور بس وتا اندزها لك
ومشكوره علي كل حال فكره حلوة صح بس والله موجوده
اخخخخخخخخخخخخخخخخخخخخخخخخخخ

مشكور يامحمد

ولوالفكرة موجودة الادارة تقدر تحذف الموضوع او تنقله الى قسم المواضيع المكررة

اللي ايهمني ان الفكرة اتنفذ وتكون موجودة داخل المنتدى

والموضوع مش حيأثر فيا لو انحذف او نقلوه الي قسم المكرر

الولوية عندي هي مصلحة المنتدى والاعضاء

مشكورين ياغاليين

عارفك يا خيتي لكن تقريبا الموضوع محذوف ما لقيتش
لو تم حذفه
انخلوة عشان الفايده موش عشان من افلان او فلانه
وعافك والله ما اتقصري وديما افكارك حلوة

مشكور خوي رؤوف
شيلي روحك يا دلع بكره من بوفرقه هههههههههههههههههههههه
ابصاره راك تزعلي ههههههههههههههههههه

لافيه زعل لاشي يامحمد

مشكورين على جهودكم

ربي يعطيكم الصحة

المهم الفكره ياجماعه اتكون في مصلحة المنتدى مش مهم من اللي قالها
وموش مشكله كان هي موجوده عادي وان كانت موجوده هو طرح
ومشكورين على الاهتمام بمواضيع المنتدى
ومشكوره اختي دلع على طرحك وهذا ايدل علي اهتمامك بالمنتدى واعضائه
وربي ايوفقك ويزيدك قوه ويعلي مراتبك اكثر واكثر
------------------------------------------
تقبلوا مروري ولكم مني اطيب التحايا

مشكور ياخوي اسماعيل

ربي يحفظك

محمد اللافي كتب:كلامك مزبوط يا رؤوف
مكرر وتقريبا صاحب الفكره بوفرقه
وما ادارك ما بوفرقه في المكرر هههههههه\
وخاصه الموضوع له هوا ههههههههههه
ارجي نين يوعا بس ويشوف الموضوع ههههههههههههههههههههههههههههههههههههه

ههههههههههههههههههههههههههه سيبك منهم يا دلع ليبيا...بارك الله فيك على حرصك الدائم
:
هذا هو رابط الموضوع التى تبحثين عنه :
https://tamimi.own0.com/montada-f12/topic-t16878.htm

مشكور يابوفرقة

انا مامرش عليا الموضوع في المنتدى يمكن لانه قديم

لكن المفروض انكم اتكونوا مثبتينه بيش يقدروا كل الاعضاء من التمكن من كتابة الغياب والحضور

وكان وفرت عليا التعب والتفكير في الفكرة من الاساس هههههههههههه

عموما عادي اللي ايهمني الفائدة للجميع وللمنتدى

لكن المفروض انكم اتكونوا مثبتينه

مثبت فى العام يادلع ليبيا....شكلك ماعش اتشوفى ...مشكوره اختى العزيزه على الاهتمام

صح

اسفة

العتب على النظر يابوفرقة

سامحوني وجعتلكم راسكم بافكاري القديمة ههههههههههه

مشكورين