ابليس هج من ليبيا يا ناس

من طرف الفرجاني 2011-02-02, 11:30 am

قصة ابليس في ليبيا اعوذ بالله

كان إبليس في غرفته , يلم ملابسه في شنطة

إلى جانب باقي متعلّقاته ...

على اطاولة القريبة كانت استقالته موقّعة ومختومة حسب الأصول , وبجوارها تذكرة سفر إلى جزر القمر

كانت ملامح وجهه في تلك اللحظات

تنطق بالحزن, والكآبة , والإحباط , واليأس , وقلّة الحيلة ...

مع دهشة مزمنة ارتسمت عليه منذ فترة ليست بالقريبة,

واعترافٍ بالعجز والفشل ،

إبليس راحلٌ عن بلادنا إلى غير رجعة...

سألته : وين ياشوشو؟ كنك تلم في دبشك!!

قال: ياارجل منيش قاعد هنا,ليا سنين عاطل عن العمل

وقريب أنموت من الجوع .. أمعاك سبسي ؟

عطيته سبسي وقعد يحكيلي ...

كنت من زمان أنوسوس للوحدة تسيب ولدها يبكي وهي تحكي مع جاراتها,

توا تمو وحدهم.. يعزقو في عيالهم أوّل ما يجو

كنت أنوسوس للواحد ينسى يسمّي بالله قبل ما ياكل,

توا الواحد مايلقى شئ يأكله ! يا راجل..

إذا أنا إبليس...مرة دهمولي شورما حمير

كنت أنوسوس للشاب انه يرميله كلمة ع البنت وهي ماشية بالشارع,

صارن البنات يقولوا ع الشباب كلام أنا انتحشم انقوله!!

واحد يسرق 100 مليون عيني عينك يحبسوه 3 سنين بفيلاّ عالبحر ,

وإثنين يشحتو فل شارع يمسكوهم الشرطة!! ,

إنتو تبوإبليس إنتوا ؟؟؟؟

قلتله: معقولة اتعدي واتسيبنا يا شوشو بينا عشرة ياراجل!

تما عندكم فائض بالفساد يسد 30 سنة قدّام,

تميت أنخاف على روحي منكم يا راجل!!

تميت مرّات أنوسوس بالمقلوب وأنقول للمسؤول إرحم

وللسراق سادك. خلّي شويّ للسراقين اللي ايجو بعدك..

يعني إذا إنتو بروحكم ما شاء الله اديرو في كل هالبلاوي,

أنا إبليس شن ندير؟

نخدم عل خط؟

ولاّ نفتح محل دخان ؟

!!

سبحان الله العظيم

لاحووووووول ياامة محمد حتى الشيطان حلت منكم
مسكين مالقا مايدير

من طرف شمس المنتدى 2011-02-02, 11:44 am

والله امعك حق كلامك صحيح شكرا على ما قدمات ومزيدا من الابداع

من طرف الفرجاني 2011-02-02, 12:15 pm

شكرا شمس المنتدي علي مرورك وتقبلي تحياتي

من طرف amol 2011-02-02, 12:24 pm

من طرف ولد الجبل 2011-02-03, 8:23 am

صدقت ... هي قولت هالسوداني قال : أمرك عجيب أنتم يا الليبيين اتقولوا للسخان براد !! وتقولوا للسراق آمين ..... جيب أمركم !!

تقبل تحياتي

من طرف الفرجاني 2011-02-03, 10:41 pm

شكرا امول وولد الجبل علي مروركم
وتقبلي تحياتي

من طرف محمد اللافي 2011-02-03, 10:46 pm

تما عندكم فائض بالفساد يسد 30 سنة قدّام,

تميت أنخاف على روحي منكم يا راجل!!

تميت مرّات أنوسوس بالمقلوب وأنقول للمسؤول إرحم

وللسراق سادك. خلّي شويّ للسراقين اللي ايجو بعدك..

موش امغير هذي كلها والله
والله انك صدقت فيها
هههههههههههههههههههههههههههههههههههه
مشكور جدا جدا جدا

من طرف عبدالسلام عبدربه عمر 2011-02-04, 12:05 am

مشكور يا خوي فرجاني والله كلامه صاح وعداه العيب الراجل معش عرف كيف ينستر معانا
بالعربي وحل فينا

ابليس هج من ليبيا يا ناس

ابليس هج من ليبيا يا ناس

رد: ابليس هج من ليبيا يا ناس

رد: ابليس هج من ليبيا يا ناس

رد: ابليس هج من ليبيا يا ناس

رد: ابليس هج من ليبيا يا ناس

رد: ابليس هج من ليبيا يا ناس

رد: ابليس هج من ليبيا يا ناس

رد: ابليس هج من ليبيا يا ناس