" غلطة مطبعية تتسبب فى ضياع 110 مليون دينار ليبي "

من طرف **زهرة اللوتس** 2012-05-12, 4:13 pm

" غلطة مطبعية تتسبب فى ضياع 110 مليون دينار ليبي "
قرار مجلس الوزراء بشأن تخصيص ميزانية وزارة الصحة والذى تقرر
تخصيص ميزانية له بـــقيمة 1.210 مليار ومائتان وعشرة مليون دينار
.
.
.
500 خمسمائة مليون .. لتعزيزالمخزون واحتياجات المسستشفيات
50 مليون .. لدعم المستشفيات والمراكز التخصصية
400 مليون .. لتحسين وتطوير الخدمة الصيحة
150 مليون .. لاستجلاب العناصر الطبية
الإجمالى : مليار ومئة مليون دينار .. !
والسؤال هو أين ذهبت الـ110 مليون دينار .. !؟

من طرف pure heart 2012-05-12, 4:19 pm

" غلطة مطبعية تتسبب فى ضياع 110 مليون دينار ليبي " 852951

الله المستعان

رزقنا قاعد مطرطش و لا حسيب و لا رقيب

من طرف **زهرة اللوتس** 2012-05-12, 4:33 pm

عارفة في البدااية قلت لعب فوتشوب... بس خشيت لموقع المجلس وموقع القرااراات والقيته..مزبوط قريب 110 مليون طاروه..ممكن غلطة مطبعية عاادي...بس المشكلة انه القرار قااعد زي ماهو مفيش تصحيح والموقع رسمي للمجلس والحكومة..شئ غريب مفيش متابعة...؟؟

من طرف pure heart 2012-05-12, 4:37 pm

يا وخيتي الوضع مريب ويستر الله على بلادنا ..

إن شاء الله الحكومة المنتخبة تنقذ الوضع و يصلح حال البلاد

من طرف شعيب 2012-05-12, 4:38 pm

هذا شغل ديوان المحاسبة وأجهزة المراجعة المالية

حتى لو فيه خطأ لا يمكن تمريره إذا اشتغلت هذه

الأجهزة صح ...

وها أنتم جميعا ربي يحفظكم بالمرصاد لتلك الأخطاء

شكرا يا زهرة اللوتس

من طرف محمد اللافي 2012-05-12, 4:57 pm

عيطنا نين انبحينا نين طلع الدم من اللسانا سرقه لية لوة ومازال مليارات المليارات راحن لا حسيب ولا رقيب ونسرقن بصورة ممنهجه ومدروسه وقصه منح الثوار وعلاج الجرحي ماهي الا ساتر للامور هذينا بعدين اتكلم ايقولك ثوار وجرحي وهنا الاثنين مافيش كيف تعرف كيف انصرفن

من طرف **جمال المروج** 2012-05-12, 5:03 pm

الرزق السايب يعلم السرقة

من طرف **بوفرقه** 2012-05-12, 5:13 pm

راحو رجاجيل يابال ...110 مليون...ليبيا رايحه من يوم يومها

من طرف pure heart 2012-05-12, 5:18 pm

ذهب الرجال لأجل أن يزيلوا عن ليبيا بؤسها

لا لأجل أن نفرط في رزقنا ..

من طرف **زهرة اللوتس** 2012-05-13, 7:08 am

تم الرد على ذلك من الحكومة
ردا على بعض الاستفسارات الواردةعلى قرار رقم 92 لسنة 2012
شكرا للمرور..وفقكم الله

من طرف عبدالله النيهوم 2012-05-13, 9:44 am

قالك غلطة مطبعية.. هالورقة معاها شيكات موقعة حتى هي غلطة مطبعية .. وين أنصرفوا ؟ ومن أستلمهم؟ واللا الطايح مرفوع .. كلهم سراقة ومعفنيين وأنتهازيين .. فكونا من أخبار القهر بالله عليكم .