مْعاي الجضر ديما ابقي كيِّ ضلِّي

من طرف **العاشق الصغير** 2012-07-08, 12:59 am

الشاعر / سعد أكنيش الفاخري – سلوق
- مْعاي الجضر ديما ابقي كيِّ ضلِّي
مابا خيالي لا نهار إيْخلِّي
- مْعاي الجضر ديما اتقول حليفي
أمْقيطن ابْقي فالبيت ما هوْ ضيفي
نلقاها انـَّه قادر علي تشعيفي
علي شان غيّتنا وقادر ذلِّي
نا م الجضر ملِّيت وأنتي كيفي
حتى أن صبرتي تبطلي واتْملِّي
ان كانك رجيتي من رجاك اتصيفي
انتي تقعدي لكن العمر إيْولِّي
ويْعافك اللِّي كنتي زمان اتْعيفي
مركونه علي جنب الطريق اتظلِّي
أسَّاع تاجدي غيري انسان ظريفي
ويْخاف من عذاب الله يبقى ماللِّي
ونا اسَّاع من غيرك اندير وليفي
حتى ونا مسَّع انسيتك حلِّي
وعلي دناك لابدَّه إيْجي تحسيفي
بْدمعه غزيره فالحقاف اتملِّي
ولاعد مدار إيْكلمك لا ريفي
من طرفي وطرفك زاد ما يرسلِّي

فقال الشاعر : مصباح محمد الفاخري – سلوق
- نا مالجضر مليت يا غاليتي
لا القسم جابك لاغلاي انسيتي
راجيتك رجيتي فالغلاء وفـِّيتي
أمْعاي وافيه فالصوب ما تسلِّي
نلقاها أنـَّك واجد علي اغْليتي
نهار شوفتك عنـِّي الهم أتْجلِّي
ولوْ ابْغايتي تبقي أنتي قسميتي
إيْجيبك نصيبي والمرار أتحلِّي
مْغير الظروف احكمن مافي نيتي
نترك سريبك يا امناي أنخلِّي
بكَّاني ابْكاك بكيت وين بكيتي
علي أفراقنا واجد بكوْا ماماللِّي
والكاينه ومشكلتي وكل قضيتي
أغليتي ومازلتي غلاء اتغلِّي
إن جيت للصلاة والنوم فيهن جيتي
أنشوف صورتك والصوت يسجلِّي
أنسيني وديري عزم كان لْقيتي
إيْسهَّل الله غنواك ويْسهلِّي
الله يسترك والله يستر بيتي
أنتي تربحي وأنا نصيب أجعلِّي

م ن ق و ل

من طرف **العاشق الصغير** 2013-03-30, 2:56 am

- مْعاي الجضر ديما ابقي كيِّ ضلِّي

مْعاي الجضر ديما ابقي كيِّ ضلِّي

مْعاي الجضر ديما ابقي كيِّ ضلِّي

رد: مْعاي الجضر ديما ابقي كيِّ ضلِّي