طوقة والعرنين اضوى .. جت تطوى .. ريم خلا طالقته صوة

من طرف **العاشق الصغير** 2012-08-01, 2:59 pm

الشاعر عبدالسلام الحر
أيقول

طوقة والعرنين اضوى .. جت تطوى .. ريم خلا طالقته صوة

طوقة والجبنون مراية .. كي تتهايَى .. ولعة نار تشيط معايا

كم دكتور وحل في دايا .. ما تدوى .. لوعة بو ممشوط ملوى

طوقة والقصة مدهونة .. مو من دونا .. دور نين هلب قانونه

جرح اللي جسار عيونه .. مو من توا .. له كم عام يتاوق سوه

طوقة والقصة مفروقة .. ماحت روقة .. عسكر شاش اضابح بوقه

والذرعان تقول بروقه .. ليلة نوة .. منها كل غريق تروى

طوقة تهبل يا رجالة .. سود خجاله .. ما هان بطولة ميجاله

جرحة متقاوي شلاله .. داير هوة .. لاقط فيه ثمان فروة

طوقة مشيتا فقعاصي .. منها قاسي .. نكوي في جوفي بسباسي

شوف اللي خايل بحلاسي .. طالع توا .. لاجت بالشملة تطوى

طوقة والعرنين نظيف .. وناب رهيف .. ودور اشعل ماح لفاليف

تكلف في روسه تكليف .. طوال ملوى .. غرس جنان بماه تروى

طوقة والسالف كداته .. وين سفاته .. فوق اللي واست طياته

قايد جيش لبس تاجاته .. سامع دوة .. ناض بقوة .. جا مالي لبحار وجوه

طوقة منقضها رازيني .. لا تطريني .. را كل سوال يبكيني

بو مشية طج تزعبيني .. عقلي شوى .. داير فيه ترع لا جوا

طوقة والنيبان مجالي .. ردت حالي .. لو تقسم يطامن بالي

كيف اللي من برقه جالي .. جاته نوة .. تعزق في العذوة ع الصوة

طوقة في لوصاف جميلة .. جابت م الجفال مواير

لاي هوتف نقنوق طويلة .. لي م اللي دنات قصاير

لاي م اللي خشنات غويلة .. لاي م الرق تقول جباير

لاي سمرة فيها تضليلة .. لا النظاف عليها جاير

بنت تقول شراب رقيلة .. في توصيف الفرخة حاير

لاجت تمشي بتجلويلة .. شيطي في رقراق يكاير

ولها مجة عين ذبيلة .. حربي فرط يوم خساير

ترزي في بكل وسيلة .. عين اللي رامى الحباير

ف اليوم طناشر تبديلة .. من عالي للباس الناير

شكلي ما تشقى بمثيله .. كم نقناق عليها ساير

غير يا خوي العين ضليلة .. ماتاخذ تهليل دباير

بو مشية جر تجلويلة .. ياسه جار وحبه جاير

عين اللي رامي لقتيله .. جرحه جوا .. نضامر خايف من سوه

طوقة والعرنين اضوى .. جت تطوى .. ريم خلا طالقته صوة

م ن ق و ل