يانك عليه اقدرت....وبعته غلاي اطلوق ماشاورت....امعايا الخطا

قصيدة (( يانك عليه اقدرت ))

للشاعر جبريل البانكه

يانك عليه اقدرت....وبعته غلاي اطلوق ماشاورت....امعايا الخطا

ماعديت... شماتت العدا والناس في رضيت

يابو روامق هلع وامفاليت.....ايام صوبنا القديم ليش نكرت

ياطول من جرحي اسنين شكيت.... وبطول ليلك ياما معاه سمرت

وياما علي شاني اللي عاديت....وياما بزبيبه من غلاي اسكرت

بطيب خاطرك ياما معاي مشيت...وياما علي بخارتي بندرت

وبانن ادواره بنيهن عليت....جذار الغلا بيدك امعاي حفرت

واحملت اليوم بلاي واستغنيت....محطة غلانا بثها شفرت

وانريد نشترك كيف العرب مابيت... اذاعتك عليا ارسالها سكرت

وياويلك منهن اما داويت.... اجروحت غلاي امعاك مافتكرت

ابنيه لبيت الله لو حجيت.... ودرت المناسك كلهن واعتمرت

ولو عالكعبه بالدعا لبيت.... وطفت عليها سترها عطرت

والرجم ثلاث ايام كان رميت... جمراتهن بزره والعرق قطرت

ولو عالفقاره كلهم زكيت....وزمزم بماها جثتك طهرت

ولاينفعك سعيك ان كان سعيت.... بطواف الأفاضه ماذنوب غفرت

ولو فالبقيع ادفنت وادانيت.... بقبورت الصحابه رمتك جاورت

ماتغفره ذنبك امعاي جنيت..... امفيت بسموحي ياعزيز اخسرت

وعندي عليك اشروط كان آبيت....سوا جيتني ولا رسيل اخترت

نارك انطفيها دواها هيت.... قد يوم عرفتك هلي امعاي كبرت

ان كان درتا تبقى الحق عطيت.... وامسامحينك في اللي امعانا درت

دمتم بخير

م ن ق و ل