يانك عليه اقدرت

يانك عليه قـدرت

للشاعر / جبريل البنكة
- يانك عليه اقدرت ... وبعته غلاى اطلوق ماشاورت

امعاي بالخطـا


ما عـديت ............. شماتة العــــدا والناس فى أرضيت

يابو روامق هلع ومفاليت ... أيام صوبنا القديم ليش نكرت

ياطول من جرحى سنين شكيت ... وبطول ليلك ياما امعاك سمرت

وياما على شانى اللى عاديت ... وياما بزبيبه من غلاى سكرت

وردك اشربته وين لى سقيت ... وياما على بخورتى بندرت

بطيب خاطرك ياما امعاى مشيت ... جدار الغلا بيدك امعاى حفرت

بانن أدواره بنيهن عليت ... أيدى بيدك وين ما وخرت

وهاذاك الخبر يانك اليوم انسيت ... جميع ما بنينا بالخطا دمرت

وصابر اليوم بلاى واستغنيت ... محطة غلانا بثها شفرت

ونريد نشترك رافض على عصيت ... اذاعتك على ارسالها سكرت




بنية لبيت الله لو حجيت ... ودرت المناسك كلها واعتمرت

لو عالكعبه بالدعاء لبيت ... وطفت عليها بسترها عطرت

ولو ع الحجر لسود شهر حبيت ... وزمزم بماها جثتك طهرت

لا تنفعك فديه ان كان فديت ... بسيتك امعانا ما بها كفرت

ولو بالجمعة ع الجبل صبيت ... يومة الوقفه ما اغرام اجرت

وارجم ثلاث ايام كان رميت ... جمرات بزره والعرق قطرت

ولا ينفعك سعيك ان كان سعيت ... وبطواف الافاظه ماذنوب غفرت

ما تغفره ذنبك امعاى جنيت ...امفيت بسموحى يا عزيز اخسرت

وعندى عليك اشروط كان ابيت ... سوا ان جيتنى والا رسيل اخترت

نارك تطفيها دواها هيت ... من يوم عرفتك هاللى امعاى كبرت

ان كان درتها تبقى الحق عطيت ... ومسامحينك فـــاللى معانا درت

عودني طاعه
وبما يحكمن ليام لي قناعه
مرن علي الخاطر جميع انواعه احداث الزمان صغيرهن اوكبيره
انواتن الذيلي اطمعه بذراعه وفعل الدناوه للدني تفخيره
وما اتريد تنقص م البشاع بشاعه
ولاعليه من مال الزمان ايعيره
بلا عظم مانركن الباب صناعه حتي اوناانقاسي في اظروف عسيره
ليام علمني كل شي انديره
نرضي بوضميرامع عديم ضميره



صح السانك ياخوي احسين ومشكور علي الابيات الرائعه