سيورها تصفا بعد تعكيرهـــا

سيورها تصفا بعد تعكيرهـــا ( اليوم ) ليبيا تبي صحيح أرجــــال

وسيورها تعمر بعد تدميرهــــا ( غير ) أيخطوها ليبيا لنــــذال

وسيورها تزهر أيفوح عبيرهـــا ( تصفا ) أمغير أيقودها عقـــال

... لبلاد ما لقيت حكيم أيديرهــــا و( أقلوبنا ) مش صافية مـــازال

لبلاد راهي بيدنا تغييرهـــا ( كل ) حد يبدا ما أيــدوم الحــــــال

لجروح مازالت قوي تسطيرهــــا ( أهموم ) أوشقا والليل بينا طــــال

ليش ترغبو لبلاد واجد خيرهــــا ( تو ) تندموا ما أيفيد بكرة مــــال

لهموم مهما طالنا تكديرهـــا ( تنزاح ) وأيعاود أيروق البــــــال
"
"

خاطرة قوية شكرا لك