الجزء الخامس و الأخير من ملحمه (ما زلت نا هو نا)

من طرف **dude333** 2016-07-11, 8:08 am

الجزء الخامس و الأخير من ملحمه (ما زلت نا هو نا)

قصائد مجهوله القائل

01

مازلت نا هونا لادرت حوش ** ولا لقيت مراء انموت خيرلى

مازال نا العزابى ** ومازال نرجا فى القروض وعابى

ومازال تحت الحيط نا وصحابى ** لابيع بعنا ولاهناك شراء

وياصاحبى بالحال مانك غابى ** تمت علينا جايزه الزكاه

مـازلـت نـا هـو نـا ** لا درت حـوش ولا خـديـت مـــراة

مكـســــور خـاطــــري ** مـازلـت نـا المنحـوس

لا درت حـوش ولا رصيـد أفـلوس

……..

نجري وراء سـلفـة أنحـوس أنحـوس ** لا قـرض نبـني ولاشـريت وطـــا

ولادرت بـزنـس ولا دهـب مـدسـوس ** والحـال أهـو كـل يـوم وراء

مـا بنـيتـش حــوش ** ولا درت كـوشـة ولا محـل بـريـوش

ولانـي أسطـا في الغـش والمغـشـوش ** سـوق التجـارة مـا معـاي مشـــا

ومـانيـش مطـرب في ألاعـراس أنشـوش مبحـوح صـوتـي ما أيفـيـد غـنــاء

مـا هـنـاك أمــان** لا قـرض مصـرف ولا معـاش ضمـــان

ولا مصلحـة في فـلان وألا فـلان ** أصحـاب مصـلحـة ما خـير فيهـم لا

واللي قـليـل البخـت والحفـيـان ** الله أيصـبرة مـا خـاب فيـه رجـــــاء

مـا أتـقـولـش قــال ** مـن قـبـل مـايـل ميـل بخـتـي مـــال

والحـال أهـو كيـف هـو الحـال ** لا أيسـر صـاحب ولا أيسـر عــداء

ومـازلـت راجـل حـالـتي بطـال ** أنـزور المصـالح بـين مشـي وجــاء

ومـازلـت نـرجـى بـوغـثيـت أطـوال ** أم السـوالف عـالكـتـوف كســـاء

بـالك في يـوم بـتـنـقـلب ألاحـــــوال ** وتـفـتح أبـواب الفـرج بعـد عـنــاء

وتـنـفـك عـقـدتـي وأيحـلهـا حـــلال ** يـامـولاي يـارب السمـــــــــــــــــاء

مـازلـت نـا هـو نـا ** لا درت حـوش ولا خـديـت مـــراة

مكـســــور خـاطــــري

......................

القائل02

هذه القصيدة قيلت خلال ثورة فبراير المجيدة

--------------------------------

مازلت ناهو نا ** شامخ وعندي حقد ع العداء

وبالله معتصم ** مازلت كيف زمان

ا نجاهد جهاد الجد للطليان

فارس ولد فارس من الرجبان ** لانحب ظلم ولانريد ثناء

ولو كان تصرخ في المحيط نساء ** انكبروا لله انلبوا النداء

وما زلت نا هو نا ** شامخ وعندي حقد ع العداء

وبالله معتصم

مازلت نا الصنديد ** لانهاب لا الجرذان لا العقيد

صامد عزومي قاويات حديد ** ونطلب الله انرافق الشهداء

وما زلت نا هو نا ** ومانيش كاللي في الحفر بعيد

نا صقر شامخ فوق في العليا

ناصقر خشمي فوق صلب حديد ** ولغير الله ماركعتش لا

وما زلت نا هو نا ** شامخ وعندي حقد ع الاعداء

وبالله معتصم

مازلت نا المغوار ** ومازلت علي شرف البلاد نغار

ومازلت مانرضاش ذل وعار ** ومن الله نفسي شامخة شماء

ومازلت نلفح كي لهيب النار ** اليا تقابلت الاخماس في البيداء

ومازال نحنا صقور وهو الفار

ومازال ناهو نا شامخ ** وعندي حقد ع الاعداء

وبالله معتصم

......................

ملاحم رائعه (ما زلت نا هو نا ) القصيدة الوحده و الثلاثون

قصائد مجهوله القائل02

----------------

مازلت نا القديم** صاحب جفا نقدر عليه انصيم

لاعيب لا سيات لا تحريم ** لامعاتبة لاحس لاضوضاء

لاليش لاكنك ولاتكليم ** كثر الحديث يصير فيه اخطاء

لاانريد نفتح امعاك سين وجيم ** ولاخير في صاحب ان كان شكاء

وما زلت نا هو نا

......................

ملاحم رائعه (ما زلت نا هو نا ) القصيدة الوحده و الثلاثون

قصائد مجهوله القائل03

-------------------------

مازلت نا هو نا ** انلبي وين نسمع ندا
انلبي ندا المنادي ** انلبي الندا يابال صوت ابلادي
وكان الوقت يرجع امعا لتشادي ** الموت والحياه راهن امعاي سوا
امدرب وجاهز نقدر انصد آعادي ** في البحر والجو وحتى ان كان خلا
تخصص قصف تجمعات افرادي ** بأسناد قاذف و دوشكا وميم طا
كمين واغاره بقوتي وعتادي ** بحرب الشوارع صاعقه ومشاه
وندعي المولى في الخاتمه استشهادي ** في قطاع غزه بالقرب من الاقصا

......................

وبذلك اكون قد جمعت لكم 27 قصيده من هذه الملحمه الرائعه
شكرا لمروركم الكريم

من طرف **STAR** 2016-07-11, 9:55 am

يعطيك العاية على ما طرحت

الجزء الخامس و الأخير من ملحمه (ما زلت نا هو نا)

الجزء الخامس و الأخير من ملحمه (ما زلت نا هو نا)

رد: الجزء الخامس و الأخير من ملحمه (ما زلت نا هو نا)