يحوس خاطري الشاعر صالح بو مازق الرفادى

من طرف **dude333** 2016-09-17, 7:06 pm

يحوس خاطري
الشاعر صالح بو مازق الرفادى (1870- 1954)
عو صالح بومازق الرفادى من قبيله الغبيدات ولد بالتميمى سنه 1870 و توفى في سنه 1954 عن عمر ناهز الثمانين عاما
--------------------------------

يحوس خاطري وين ما نجي لدياره ..ويتم دمع عيني منفلت تياره
**********
وين ما نجي للمرمى.. نبقى نزازي كي رضيع الصرمة
وغش المفاصل هن ديار الخرمة ..وغوطين مصرفهن مع الخوارة
كوفهن أيام الهوعي والحرمة .. يحولن ثلاث سنين للظهارة
**********
وين ما نجي ومعدي..على راس تاجو خاطري متكدي
اللافي وصبره وقوم بوي وجدي ..رواق بيتنا ليلة طروا خطاره
الدايم الله ضرابة المتعدي.. على شان جارتهم، على نثاره
**********
وين ما نجي للعودة..ديار من نجيه يقول لي بالجودة
بو سحام راعي اللي سماح بدوده ..اللي جيرته تشرب شراب ابياره
مشاريف تنظرهن يمين العودة .. كراميس فوق البير بو صكارة
**********
وين ما نجي لعكارم.. يجي دمع عيني م السواقي خارم
ويبقى صبي العين نومه حارم .. ع اللي دوم في طبرق اصحاب لمارة
وهل شيخ في الدولة معاه عفارم ..وفي تمة البطنان هم نواره
شيالين للقرناص عوق الخارم .. ما تخلي للصياد يوم شكارة
ضرابين للصايل ان جاهم وارم .. ضنا شلبي ديما هم حماة الجارة
**********
خلفة القذافي..جبر خاطر المظلوم واللي هافي
ركابين ع اللي بو طوابي وافي..نصيه ولايم فوق من منقاره
وين ما قفز خلى النعال مهافي..يحيد غشايش خاطرك مشواره
**********
وين ما نجي لسقايف..منازل الفريق اللي مناة الضايف
علوم روس ومسيكة حماة الخايف..لا يكسبوا عايب ولا غوارة
جرايين للصاحب بكل طرايف.. نصابين للحلة اللي فوارة
يا بشير متذيبل وحالي صايف..صيفة الربيع اللي طفي نواره
ويا فقيه ياني في الديار ننايف ..العقل مو مهنيها وهي قذارة

من طرف **الكابتن** 2016-09-17, 9:05 pm

الشاعر صالح بومازق رغم كونه امي الا ان قصائده قوية ..

هو ذكر خلفه القذافي ... ان شاء الله ما يكون يقصد قذافينا المقبور هههههههههههههههه رغم اختلاف واستباق الزمن ..

من طرف **STAR** 2016-09-19, 8:11 am

انعم انعم

يحوس خاطري الشاعر صالح بو مازق الرفادى

يحوس خاطري الشاعر صالح بو مازق الرفادى

رد: يحوس خاطري الشاعر صالح بو مازق الرفادى

رد: يحوس خاطري الشاعر صالح بو مازق الرفادى